Borgfirðingabók - 01.12.2004, Blaðsíða 35

Borgfirdingabók 2004
33
Borgarnesi. Nú þegar búa um 74 % þjóðarinnar á þessu svæði,
og það er ekki fráleitt að um 85 % þjóðarinnar muni búa á
þessu sama svæði eftir áratug eða svo.
Bændabýlum mun enn mjög fækka frá því sem nú er og víða
kemur slit í byggðirnar. Allmörg fyrri býli verða orðin að tóm-
stundabústöðum og á öðrum verða heimili en atvinna sótt í
aðrar greinar en landbúnað. Afurðastöðvar landbúnaðarins
verða taldar á fingrum. Mjög mun enn fækka störfum í fisk-
vinnslu og við fiskveiðar.
Byggðastefna eftir áratug mun að talsverðu leyti miðast við
Keflavíkurflugvöll, - að því að skapa aðstæður fýrir upprenn-
andi kynslóð og koma í veg fyrir að atgervisfólk verði að fara úr
landi í leit að starfsframa.
Við mat á byggðareiningu verður trúlega miðað við svæði
sem tekur um einn og hálfan klukkutíma að aka gegnum. Sam-
kvæmt þessu verður því þá haldið fram að Borgarnes, Borgar-
fjörður og jafnvel Mýrar séu á jaðri höfuðborgarsvæðisins, og
að í hina áttina megi segja hið sama um Hvolsvöll.
Tæplega verður litið á byggð sem einingu ef þar búa færri
en 8 - f2 þúsund manns, nema sérstakir landshættir valdi. Slíkt
gæti t.d. átt við á Vestfjörðum. Allt bendir til þess að sveitarfé-
lögum haldi enn áfram að fækka. Uppvaxandi kynslóðir gera
nýjar kröfur sem óhjákvæmilegt er að mæta og reyndar alveg
sjálfsagt að samfélagið liafi metnað til að mæta þeim. Fámenn-
ar einingar munu ekki geta boðið þá þjónustu og lífsöryggi
sem ungar konur með börn krefjast, en það eru ungar konur
með börn sem öllu ráða um byggðaþróun.
Við þessa mynd er rétt að bæta því að framfarir í samgöng-
um munu miklu ráða um það að varla verður nokkurs staðar
um einangrun eða fásinni að ræða, enda unnt að skipuleggja
félags-, atvinnu- og þjónustuþátttöku á miklu stærri svæðum
saman, um miklu lengri veg, heldnr en var til skamms tíma. I
þessu er fólgin ótrúleg breyting í daglegu lífi fólks.
Á undan förnum árum hefur mjög borið á því víða í landinu
að fólk á erfitt með að skilja þá framvindu að fjármagnið er
"losað frá" atvinnutækjunum. Síðan er verið að kaupa og selja
verðbréf atvinnuveganna og verðbréfin öðlast "eigin" tilveru að
því er virðist. Slíkur "lausbeislaður" fjármagnsmarkaður er al-
þekktur og gamalkunnur í nágrannalöndunum. Engin ástæða