Borgfirðingabók - 01.12.2004, Side 101

Borgfirdingabók 2004
99
Upphaf háskólamenntunar í landbúnaði hérlendis má rekja
til þess að komið var á fót menntun fyrir ráðunauta við Bænda-
skólann á Hvanneyri árið 1947. Þótt kennt hafí verið á háskóla-
stigi allt frá þeim tíma breytti hin formlega nafngift starfsum-
hverfi skólans og ný löggjöf færði honum víðtækari verkefni.
Frá stofnun hans hafa átt sér stað miklar skipulagsbreytingar
og uppbygging og starfsemin hefur blómstrað sem aldrei fyrr.
Þetta hefur bæði orðið fyrir markvissa stefnumótun og ekki síð-
nr vegna þess hve skólinn stendur á traustum grunni í vitund
og sögu landbúnaðarmenntunar hér á landi.
En í upphafi var Bændaskólinn á Hvanneyri stofnaður til
þess að efla og auka menntun bændastéttarinnar. Það varð
engin breyting á þeim skyldum við stofnun Landbúnaðarhá-
skólans og bændadeildin á traustar rætur í starfi hans. Þar er
boðið upp á fjölbreytta starfsmenntun með áherslu á naut-
griparækt og sauðfjárrækt auk margra valgreina svo sem
hrossaræktar, landbóta í úthaga, skógræktar, búsmíða ofl. Bú-
fræðinámið, sem er sambland af bóklegum og verklegum
greinum, er í lifandi og nánum tengslum við atvinnuveginn.
Það er því traustur undirbúningur undir búskap og hverskon-
ar atvinnurekstur í dreifbýli. Auk staðbundins náms er boðið
upp á fjarnám. Slíkt nám er skipulagt einstaklingsbundið fýrir
hvern nemanda.
Landbúnaðarháskólinn á Hvanneyri starfar því á tveim
skólastigum. Þessi sérstaða gerir það að verkum að umhverfi
starfsmenntunar og háskólamenntunar í landbúnaði eru
tvinnuð saman í eina heild sem gagnast báðum námsstigunum.
A Hvanneyri er boðið upp á mjög góða aðstöðu til náms.
Upplýsingatæknin skipar mikinn sess og gott tölvusamband er
á staðnum. Bókasafn skólans er samtengt helstu bókasöfnum
hérlendis og í góðu sambandi við bókasöfn þeirra skóla sem
við eigum nánust samskipti við. Flestir nemendur geta komist
í húsnæði á vegum skólans og aðstaða fýrir fjölskyldur er með
ágætum. Nemendum fjölgar ár frá ári og nú ern um 170 nem-
endur skráðir við skólann og eru stúlkur í meirihluta og stór
hluti nemenda fjölskyldufólk.
I tengslum við þessa uppbyggingu er samvinnan við sveitar-
félagið Borgarfjarðarsveit mjög mikilvæg. Nýtt deiliskipulag
hefur verið samþykkt og í kjölfar þess gerður leigusamningur