Borgfirðingabók - 01.12.2004, Page 128

126
Borgfirdingabók 2004
Tónlistarfélag Borgarfjarðar
Tónlistarfélag Borgarfjarðar starfar eins og nafnið gefur til
kynna í Borgarfirði, og félagar þess eru úr sveitarfélögunum
norðan Skarðsheiðar.
Upphaf félagsins er rakið til þess árið 1965, að Asgeir Péturs-
son þáverandi sýslumaður Mýra- og Borgarþarðarsýslu fól
Friðjóni Sveinbjörnssyni, Hirti Þórarinssyni og Jakobi Jónssyni
að koma því starfí á, sem auka myndi fjölbreytni í tónlistarlífi
héraðsins, og var þar á meðal nefnt tónleikahald. Auk þess að
stofna til tónleika í nafni Tónlistarfélags Borgarfjarðar, þeirra
fyrstu árið 1966, stofnuðu þeir Tónlistarskóla Borgarfjarðar, og
er stofnár hans talið 1967.
Strax mótaðist sú stefna að stjórn félagsins sæi um fjárreiður
og tónleikahald, og voru félagsmenn einungis kallaðir til að
mæta á tónleika og ekki á aðra félagsfundi. Þessi hefð hefur
viðhaldist, og hefur stjórnarseta meira gengið á milli fólks en
að til félaga væri leitað um kjör á því. I stjórn sitja núna, Anna
Guðmundsdóttir, Jónína Eiríksdóttir, Margrét Guðjónsdóttir
og Steinunn Ingólfsdóttir.
Stjórnin reynir eftir bestu getu að kynna vetrardagskrá að
hausti og fylgja hverjum tónleikum vel eftir með kynningum í
helstu fréttamiðlum og með dreifibréfum.
Að hausti 2003 var gefinn út þríblöðungur, sem sendur var á
öll heimili í héraðinu, norðan Skarðsheiðar.
Tónleikar í vetur hafa verið þessir:
I september í Borgarneskirkju, Trio Nordica, sem skipað er
Auði Hafsteinsdóttur fiðluleikara, Bryndísi Höllu Gylfadóttur
sellóleikara og Monu Sandström píanóleikara. Tríóið fagnaði
10 ára afmæli með frumflutningi á Píanótríói eftir Þórð Magn-
ússon, en á dagskránni voru einnig Píanótríó í c-moll op. 101
og tríó í H-dúr op. 8 eftir Brahms og verk eftir Piazzolla.
I nóvember var blásið til píanóhátíðar í félagsheimilinu
Lyngbrekku í tilefni af nýju hljóðfæri, sem húsið hefur eignast.