Borgfirðingabók - 01.12.2004, Qupperneq 133

Borgfirdingabók 2004
131
Þetta er yndislegur stadur
segir Sigrún Símonardóttir,
fyrrverandi forseti bœjarstjórnar Borgarness
Manstu eftir því þegar byrjað var að gróðursetja í Einkunnum ?
Já ég geri það, því að ég fór nokkrar ferðir upp eftir með
Hirti Helgasyni að gróðursetja. Að því að mig best minnir leit-
aði hann til skátanna, og ég var skáti og er enn. Eg hef þá ver-
ið svona um fermingu, er ekki alveg viss hvort heldur þetta var
fyrir eða eftir ferminguna. Þetta gæti hafa verið 1953.
Hver var Hjörtur Helgason ?
Hann bjó hérna í litlu húsi við Skallagrímsgötu sem nú er
búið að rífa og leggja lóðina undir Skallagrímsgarðinn. Hann
var mikill áhugamaður um skógrækt. Garðurinn við húsið hans
var einstaklega fallegur. I mínu minni var hann hvatamaður að
skógræktinni í Einkunnum. Eg minnist ekki annars fullorðins
manns sem vann að þessu. Hann stjórnaði okkur krökkunum
þarna. Við fórum af stað upp eftir svona um miðjan dag og
komum til baka um tíuleytið á kvöldin. Okkur var ekið á hálf-
kassabíl upp eftir, en við gengum til baka. Það þótti ekki til-
tökumál. Eg hugsa að þetta hafi verið svona 20 manna hópur.
Var þetta eitt sumar eða jlári ?
Þetta var eitt sumar sem ég man eftir. Eg hygg að þetta hafi
verið upphafið að gróðursetningu þarna. Henni mun svo liafa
verið haldið áfram. Eg hef heyrt að kennarar hafi farið upp eft-
ir með nemendur til gróðursetningar.