Borgfirðingabók - 01.12.2004, Síða 146

144
Borgfirdingabók 2004
Menn sem mörkuðu spor
Leikari og leikstjóri
Freyja Bjarnadóttir
í hópi þeirra íbúa í Borgarnesi er lengi hafa sett svip á bæ-
inn er Freyja Bjarnadóttir. Hún er innfæddur Borgnesingur,
dóttir hjónanna Ingibjargar Erlendsdóttur frá Vík í Mýrdal og
Bjarna Guðjónssonar, sem laust eftir aldamótin 1900 flutti til
Borgarness vestan af Mýrum, fékkst þar lengst af við verslunar-
störf og rak á árunum 1924 til 1956 eigin verslun, mörg síðustu
árin að Egilsgötu 10, í Arabíu sem svo er nefnd. Margir sem
komnir eru á efri ár muna vel eftir Bjarna og búðinni hans sem
börn og unglingar kölluðu stundum ódýru búðina, af því að
þeim þóttu aurarnir drýgri í viðskiptum þar en annars staðar,
en mun þó öðru fremur hafa verið vegna þess að kaupmaður-
inn var hlýr og ljúfur og laðaði að sér fólk, ekki síst ungviðið.
Freyja fæddist í þessu sama húsi 17. júlí 1911 og þess má til
gamans geta að hún hefur alla ævi átt heima við Egilsgötu, fyrst
í húsinu nr.15, sem faðir hennar byggði 1911 og síðan 1926 í
nr. 17 og þar býr hún nú í skjóli Ingibjargar dóttur sinnar.
Freyja stundaði nám við Flensborgarskóla og héraðsskólann í
Reykholti og starfaði við verslunar og veitingastörf, meðal ann-
ars í veitingaskála Vigfúsar Guðmundssonar, síðar í Hreða-
vatnsskála, sem getur hennar í æviminningum sínum fyrir sér-
stakan dugnað og trúmennsku í starfi, uns húnl940 hóf starf á
símstöðinni í Borgarnesi og gegndi því til loka starfsaldurs.
Þótti hún bæði röggsöm og úrræðagóð að greiða vegu þeirra
sem þess þurftu, um refilstigu handvirka símakerfisins og
hinna mörgu smáu stöðva, sem dreifðar voru vítt um sveitir,