Fréttablaðið - 13.01.2023, Síða 24

Ég ákvað að breyta
út frá hinu vana-
lega líkamsræktarmark-
miði og setja mér mark-
mið sem er líklegra að ég
nái.
Þetta vildi ég vita
þegar ég skráði mig
í námið, að ég gæti lært.
Enda kom það á daginn
þegar ég útskrifaðist að
ég dúxaði í skólanum.
Það kom mér verulega á
óvart.
Sigrún Kristjánsdóttir var
52 ára þegar hún skráði sig í
nám í menntaskóla eftir að
hafa gengið lengi með þann
draum í maganum að verða
stúdent.
jme@frettabladid.is
„Ég er fædd og uppalin í sveit og
það var búið að blunda í mér eftir
að hafa klárað grunnskólann að
fara í menntaskóla. Ég skráði mig í
framhaldsnám en svo varð ekkert
af því. Ég varð ólétt ung sem leiddi
til þess að ég hætti við að fara í
skóla. Þegar ég varð eldri leitaði
ég leiða til taka menntaskólann í
fjarnámi, en líka losna við að taka
lokapróf því ég hef alla tíð verið
með prófskrekk. Ég datt loksins, 52
ára gömul, á þennan frábæra skóla,
Menntaskólann á Tröllaskaga, sem
bauð upp á nám sem hentaði mér
og hóf þar nám haustið 2013,“ segir
Sigrún Kristjánsdóttir.
Sigrún byrjaði hægt á listabraut
með 100% vinnu og síðustu þrjár
annirnar var hún komin í 80%
vinnu með skóla. „Ég tók fyrst
áfanga sem mér þóttu áhuga-
verðir sem tengdust ljósmyndum
og listum. Eftir að hafa tekið 3–4
áfanga á önn í fáein ár sá ég fram
á að geta klárað stúdentsprófið.
Ég stefndi svo sem aldrei á það í
byrjun að klára þó svo löngunin
hafi alltaf blundað innst inni. Ég
vann að þessu í ein átta ár og árið
sem ég varð sextug, vorið 2021,
útskrifaðist ég,“ segir hún.
Rétta hjálpin skiptir máli
„Mér hafði alltaf gengið illa í
stærðfræði og tungumálum í
barnaskóla, en þegar maður fattar
hvernig stærðfræðin virkar þá er
hún alls ekki svo flókin. Þetta eru
bara mismunandi leiðir til þess
að plúsa, mínusa, margfalda eða
deila. Af hverju var þetta aldrei
sagt í grunnskóla? Af hverju var
maður látinn þylja margföldunar-
töfluna eins og páfagaukur þegar
maður er í raun bara að leggja
saman og draga frá? Námið var
bæði skemmtilegt og krefjandi og
ég viðurkenni alveg að sumt var
mjög erfitt og tók sinn tíma. Ég
hefði líklega ekki komist í gegnum
þetta nema af því að eiginmaður-
inn minn sem er lærður kennari en
starfar nú við ljósmyndun, studdi
mig heils hugar. Ég gat leitað til
hans ef ég náði ekki í kennarann.
Námið gaf mér þó mun meira
sjálfstraust og kenndi mér að ég get
vel lært. Ég hélt að ég gæti það ekki,
komin á þennan aldur. Þetta vildi
ég vita þegar ég skráði mig í námið,
að ég gæti lært. Enda kom það á
daginn þegar ég útskrifaðist að ég
dúxaði í skólanum. Það kom mér
verulega á óvart. Það eru örugg-
lega margir í mínum sporum sem
af einhverjum ástæðum hafa ekki
farið í nám, en ég veit það núna að
það geta allir lært. Fólk þarf bara
réttu hjálpina og aðstoðina við
það.“
Lokaprófið barn síns tíma
„Fjarnámið er öðruvísi uppbyggt
en nám í hefðbundnum skólum,
eins og ég þekki þá, þar sem nem-
endur komast upp með að lesa
bara undir lokaprófið til þess að
ná. Hér er námið markvissara.
Þú ert alltaf að skila verkefnum
og setja í samhengi við náms-
efnið hverju sinni. Það spurðu mig
margir af hverju ég hefði ekki farið
í Keili í nám. En þar eru lokaprófin,
og þau henta mér ekki. Svona
próf segja alls ekki alla söguna og
eru að mínu mati barn síns tíma.
Við fórum alveg í skyndipróf í
stærðfræði svo kennarinn sæi hvar
við stæðum í námsefninu. En við
fengum þrjár tilraunir og lærðum
á milli hvað við gerðum rangt.
Hæsta einkunnin gilti svo. Það er
hvatning fyrir nemandann að læra
og kennarinn sér mun betur hvar
nemandinn stendur.“
Hvetur alla í fjarnám
„Ég hef alltaf haft áhuga á ljósmynd-
un en byrjaði ekki að mynda af
alvöru fyrr en um 2003-2004. Þá var
ég að mynda aðeins fyrir vinnuna,
vinna þær og setja á heimasíðuna.
Núna er ég að vinna í sjálfri mér,
láta listadrauminn rætast og hella
mér út í ljósmyndunina. Svo mála
ég líka og við rekum nokkur saman
Gallerí Grástein á Skólavörðustíg.
Í skólanum tók ég ýmsa áfanga
í listljósmyndun sem og akrýl- og
olíumálun, en það er glettilegt hvað
hægt er að kenna í dag í fjarnámi.
Tæknin er orðin svo fullkomin. Það
skiptir ekki lengur lengur máli hvar
þú býrð. Einn kennarinn bjó í Sví-
þjóð. Við sendum bara ljósmyndir
af verkunum og hann mat þau út
frá myndunum. Þetta er í raun alger
snilld. Nemendur bjuggu líka úti
um allan heim.
Ég eignaðist fullt af vinum og
kunningjum og ég fann aldrei fyrir
kynslóðabili þrátt fyrir að vera í
bekk með fólki á tvítugsaldri. Við
unnum oft saman í hópum þar
sem styrkleiki hvers og eins naut
sín. Sumir voru góðir í að skrifa,
aðrir að lesa yfir, enn aðrir voru
góðir í myndvinnslu eða að setja
upp PowerPoint-sýningar og fleira.
Maður var bara hluti af hópnum.
Ég gæti farið í háskólanám ef
ég vildi, en hef ekki þörf fyrir það
þó svo maður gæti kannski dottið
inn í einhverja kúrsa í framtíð-
inni. Það væri þá helst í listnámi.
Ég er mjög ánægð að fá sönnun
á að ég gæti gert þetta og ég hvet
alla, sem eru að hugsa um þetta,
að drífa sig í svona fjarnám,“ segir
Sigrún að lokum. n
Dúxaði sextug í menntaskóla
Sigrún Kristjánsdóttir var alsæl við útskriftina þann 20. maí 2021, mánuði
eftir sextugsafmælið. Mynd/PálMi Bjarnason
Jóna Svandís Þorvaldsdóttir verkefnastjóri hjá Endurmenntun HÍ
12 kynningarblað 13. janúar 2023 FÖSTUDAGURskólar og námskeið
Áramótaheit Jónu Svandísar
Þorvaldsdóttur er að auðga
andann á hverjum degi með
ólíkum hætti. Hún segir fjöl-
marga kosti við það að halda
áfram að opna á nýja reynslu
og tileinka sér nýjar hug-
myndir út lífið.
starri@frettabladid.is
Jóna Svandís Þorvaldsdóttir segist
alltaf hafa verið fróðleiksfús og
haldin óslökkvandi þekkingar-
þorsta. „Þetta er bara persónu-
leikinn held ég. Sem barn hafði ég
alltaf gaman af námi og var algjör
lestrarhestur. Svo er það svolítið
þannig að því meira sem þú lærir
– því stærri verður heimurinn.
Ég hef líka tröllatrú á ævinámi og
held að það hafi fjölmarga kosti
í för með sér þegar fólk heldur
áfram að opna á nýja reynslu og
tileinka sér nýjar hugmyndir út
lífið.
Jóna er íslensku- og menntunar-
fræðingur, söngvari og fjölskyldu-
kona úr Grafarvogi að eigin sögn.
„Megnið af starfsferli mínum hef
ég unnið í mennta- og fræðslugeir-
anum og komið víða við, meðal
annars við kennslu, frístundastarf
og nú er ég verkefnastjóri hjá
Endurmenntun Háskóla Íslands.“
Vill þekkja samfélagið
Hún segir endurmenntun alltaf
hafa skipað stóran sess í lífi sínu.
„Það skiptir mig máli að þekkja
samfélagið og vera með puttann á
púlsinum í starfstengdri hæfni. Þar
fyrir utan hef ég sótt mikinn fjölda
af fjölbreyttum námskeiðum,
til skemmtunar eða til að bæta
persónulega hæfni. Sem dæmi má
taka leikhúsnámskeið og önnur
menningartengd námskeið hjá
Endurmenntun, ýmis tónlistar-
námskeið, spunanámskeið, fjöl-
mörg ritlistarnámskeið, námskeið
í verkefnastjórnun, fjölbreytt nám-
skeið tengd rekstri, tungumálum,
ýmiss konar sjálfseflingu, sam-
skiptum og svo mætti lengi telja.
Ég lærði meira að segja einu sinni
andlitsjóga fyrir hraustlegt útlit.“
Eftir að hún hóf störf við þróun
náms hjá Endurmenntun Háskóla
Íslands má eiginlega segja að hún
sé „komin heim“. „Vinnufélagar
mínir voru til dæmis að grínast
með það um daginn að eina
námslínuna sem ég setti saman,
lagasmíðar og textagerð, hefði ég
hreinlega búið til fyrir mig sjálfa.
Ég gef ekkert upp um það!“
Öðruvísi áramótaheit
Jóna hefur strengt skemmtilegt
áramótaheit sem hún kallar að
„auðga andann“ á hverjum degi.
„Ég ákvað að breyta út frá hinu
vanalega líkamsræktarmark-
miði og setja mér markmið sem
er líklegra að ég nái. Nú ákvað ég
að láta engan dag líða án þess að
kynna mér eða læra eitthvað nýtt,
hvort sem það er að lesa eitthvað
áhugavert, hlusta á hlaðvarp, horfa
á TED-fyrirlestur eða heimilda-
mynd eða fara á eitthvað spenn-
andi námskeið.“
Um þessar mundir er hún til
dæmis skráð á spennandi starfs-
tengt námskeið um fræðslu fyrir
fullorðna. „Ég er líka mikill bók-
menntaunnandi svo mig langar
að skella mér á námskeið um
jólabókaflóðið og svo væri gaman
að rifja upp Laxdælu með Torfa
Tulinius. Annars er ég í söngnámi
og markmiðið er að taka próf í því
í vor. Mig bráðvantar fleiri tíma í
sólarhringinn!“
Fræðsludeit er frábær afþreying
Með skemmtilegri námskeiðum
sem hún hefur sótt hét Þjóðleik-
húsið á bak við tjöldin, sem var ein
kvöldstund. „Þá ákvað ég að bjóða
manninum mínum á öðruvísi deit.
Við gengum um húsið með Pétri
Ármannssyni, þjóðleikhússtjóri
kynnti vinnuferli sýningar áður en
Ásdís Þórhallsdóttir leiddi hópinn
um baksvið leikhússins og sýndi
hvernig leikhústöfrarnir verða til í
þessu sögulega húsi.“
Hún segir þau hjónin hafa verið
sammála um að námskeiðið hafi
ekki einungis verið virkilega
áhugaverð og lærdómsrík upplifun
heldur hafi hún dýpkað skilning
þeirra á því sem gerist í leikhúsinu
og gert það að verkum að þau muni
njóta listarinnar á annan hátt.
„Þannig varð þetta að ógleyman-
legri fræðsluupplifun sem fylgir
okkur út í lífið. Svo lærðum við að
fræðsludeit eru frábær leið til að
verja tíma saman.“ n
Bráðvantar fleiri tíma í sólarhringinn