Fréttablaðið - 21.01.2023, Blaðsíða 10

Ef þér tekst að klára
Rodriguez geturðu
verið viss um að fá
athygli, það hefur ekki
mörgum tekist að klára
hann, ekki mörgum
tekist að vinna hann.
Þetta er maður sem
æfði engar íþróttir þar
til hann varð 25 ára. Þá
fór hann í MMA og
komst í UFC á nokkrum
árum sem verður að
teljast ansi merkilegt.
Pétur Marinó
Jónsson. MMA-
sérfræðingur
Gunnar Nelson stígur aftur
inn í bardagabúrið á vegum
UFC þann 18. mars næstkom-
andi. Andstæðingurinn er
þorpari frá Suður-Kaliforníu
sem er vanur að láta höggin
tala fyrir sig. Gunnar á þó
möguleika.
aron@frettabladid.is
UFC Pétur Marínó Jónsson er helsti
MMA-sérfræðingur þjóðarinnar,
náinn samstarfsmaður og vinur
Gunnars Nelson sem stígur á ný inn
í bardagabúrið eftir árs fjarveru þar
sem hann mætir Daniel Rodriguez á
risakvöldi UFC í London.
„Rodriguez hefur verið á góðu
skriði frá því að hann kom inn í UFC
fyrir nokkrum árum síðan. Hann
var á topp 15 listanum í veltivigtar-
deildinni fyrir sinn síðasta bardaga
og hefur verið inn og út af honum
síðastliðið ár. Það þykir mjög gott að
vera inni á þessum topplista.
Hann kom fyrst inn í UFC árið
2020 en er þrátt fyrir stuttan tíma
innan bardagasamtakanna búinn
með níu bardaga. Það er nokkuð vel
gert. Marga af þessum bardögum
hefur hann tekið með skömmum
fyrirvara, hann gerði það til að
mynda á móti Kevin Lee og bar þar
sigur úr býtum.
Á sínum atvinnumannaferli hefur
hann unnið 17 bardaga og tapað
þremur, það telst nokkuð gott og
innan UFC stendur ferill hans í 7
sigrum og 2 töpum.“
Mætir þorpara
í búrinu í London
Ólíkar týpur
Rodriguez gæti, að sögn Péturs, ekki
verið ólíkari týpa en Gunnar.
„Ég vil líkja honum við Diaz-
bræðurna Nick og Nate, Daniel sé
þar með þriðji Diaz-bróðirinn, en
allir komust þeir í kast við lögin
fyrir MMA-feril sinn.“
Daniel hefur unnið sig úr erfiðum
aðstæðum þar sem hann var lengi
vel viðriðinn glæpagengi í Suður-
Kaliforníu og hefur eytt drjúgum
tíma í fangelsi.
„Og hann ber það með sér. Þetta
er maður sem æfði engar íþróttir
þar til hann varð 25 ára, þá byrj-
aði hann í MMA og komst í UFC á
aðeins nokkrum árum sem verður
að teljast ansi merkilegt. Hann seg-
ist eiga á bakinu 200 sigra í götu-
bardögum, meðal annars í
fangelsum og ekkert
tap.“
Eftir að hafa sagt skilið við
af brotaferilinn reyndi Daniel að
finna sér almennilega vinnu en
enginn vildi gefa honum tækifæri,
því sneri hann sér að MMA.
„Þetta er grjótharður náungi sem
veður áfram, það er ofboðslega erf-
itt að stoppa hann. Daniel er sá bar-
dagamaður í sögu veltivigtardeildar
UFC sem er að koma frá sér flestum
höggum sem lenda á mínútu. Á
móti kemur að tölfræðin sýnir
okkur það einnig að hann er að taka
við mörgum höggum á móti. Hann
er þannig bardagamaður sem er til
í að koma frá sér tveimur höggum
á kostnað þess að fá eitt á sig á
móti.“
Tækifæri fyrir Gunnar
Bardagastíll hans er ólíkur stíl
Gunnars og í því felast tækifæri.
„Ef Gunnar nær honum niður og
kemst í yfirburðastöðu. Neal Magny
náði að klára Rodriguez í þriðju lotu
í síðasta bardaga hans, Rodriguez
var þá orðinn þreyttur í bardaga
sem hann var, að mínu mati, á leið
að vinna þegar hann gleymir sér og
Magny nær að hengja hann.
Ég sé tækifæri fyrir Gunnar ef
hann nær honum niður í hengingar-
tök eða lása, það verður hins vegar
ekkert auðvelt. Rodriguez er með
ágætis fellivörn og glímutakta en
Gunnar hefur samt sem áður náð
betri mönnum en honum niður í
gólfið.
Rodriguez mun að mínu mati
reyna að keyra upp tempóið í bar-
daganum, vera alveg í andlitinu á
Gunnari og það verður áhugavert
að sjá hvernig Gunnar mun eiga
við það. Hann og allir vita það hins
vegar að langmestu möguleikarnir
á sigri felast í því að ná Rodriguez í
gólfið og það er alltaf það sem á að
stefna að.“
Heldur út
Hvernig sér Pétur fyrir sér að Gunn-
ar muni haga undirbúningi sínum
þessar næstu vikur fyrir bardaga?
„Gunnar mun vilja koma tíma-
setningunni hjá sér almennilega
í gang, hann mun sparra mikið og
er þar af leiðandi á leið til Írlands á
næstunni þar sem hann mun
æfa hjá SBG í Dublin. Líkam-
legt form hjá Gunnari er
mjög gott, úti á Írlandi getur
hann tekið lotur á æfingum
með atvinnubardagaköpp-
um og náð tímasetningunum
hjá sér betur í gang.
Hann er bara mjög spenntur
að vera kominn með bardaga á
nýjan leik, koma sér aftur í þessa
púlíu. Það var búið að stefna að því
lengi að reyna komast inn á þetta
bardagakvöld í London og Gunn-
ar hafði það alltaf á bak við eyrað.
Hann var bara mjög feginn að vera
kominn með andstæðing og að hafa
eitthvað til að stefna á.
Sjálfur vissi hann ekkert ýkja
mikið um Rodriguez þegar nafn
hans kom til hans. Hann var bara til
í erfiðasta gæjann sem stóð honum
til boða, sigur á honum mun gefa
mest upp á framhaldið að gera.
Gunnar er bara tilbúinn að stíga
aftur inn í bardagabúrið og gera það
sem hann er bestur í.“
Setti strik í reikninginn
Bardaginn gegn Rodriguez fer fram
rúmu ári eftir að Gunnar bar sigur
úr býtum í bardaga gegn Takashi
Sato. Fyrir þann bardaga hafði
Gunnar verið frá í um tvö og hálft ár.
Vonir stóðu til þess í fyrra að
Gunnar myndi berjast oftar en
raunin varð, ófyrirséð aðgerð á nefi
setti strik í reikninginn. Vonbrigði
fyrir okkar mann sem var kominn
aftur á ról.
„Sér í lagi
vegna þess að
fyrir þann bardaga hafði Gunnar
verið lengi frá bardagabúrinu. Hann
vonaðist til að geta barist meira í
fyrra, að taka árið með trompi, en
því miður fór þetta svona og endur-
hæfingin tók aðeins lengri tíma en
menn vonuðust eftir. Vonandi nær
hann fleiri bardögum á þessu ári,
það verður spennandi að sjá hvað
það felur í sér.
Hann er enn á góðum aldri sem
íþróttamaður. Í UFC hefur maður
verið að sjá bardagamenn toppa á
mjög mismunandi tíma og aldri.
Það er erfitt að segja til um það hve-
nær menn eru upp á sitt besta, það
eru dæmi um bardagakappa sem
hafa unnið titla í UFC 37-38 ára.
Mér finnst ég sjá það í Gunnari að
hann er til í að minna á sig. Maður
sér það bara á tilkynningum UFC
á samfélagsmiðlum í tengslum við
bardaga hans að margir segjast hafa
verið búnir að gleyma Gunnari. Það
stóð til að gera það í fyrra í kjölfar
sigursins á Sato og fylgja því eftir en
þá tók aðgerðin við. Nú er bara að
reyna ná sigrinum aftur, helst klára
gæjann. Ef þú klárar Rodriguez get-
urðu verið viss um að fá athygli, það
hefur ekki mörgum tekist að klára
hann, ekki mörgum tekist að vinna
hann á atvinnumannaferlinum.“
Selst upp á nokkrum mínútum
Bardagakvöldið í London er að
sögn UFC það stærsta sem haldið
hefur verið í Evrópu. Aðalbardagi
kvöldsins er titilbardagi veltivigtar-
deildarinnar milli Leon Edwards og
Kamaru Usman, þeirra þriðji bar-
dagi. Þá munu fleiri þekkt nöfn stíga
inn í búrið í O2-höllinni.
„Það verður mjög gaman að sjá
hvaða bardagar munu bætast þarna
við en eins og þetta lítur út núna er
von á svakalegri veislu. Ég held að
stemningin verði mögnuð, miða-
salan hefst í næstu viku og ég býst
við því sama og alltaf þegar
barist er í Lundúnum, það selst
upp á innan við fimm mínútum
eftir að miðasala er opnuð.
Það verður vesen að tryggja
sér miða því ég veit að áhuginn er
mjög mikill á þessu bardagakvöldi.
Maður var pínu svekktur að sjá bar-
dagakvöldið vera sett aftur í O2-
höllina, margir höfðu gert sér vonir
um að Wembley yrði bókaður undir
þetta, jafnvel Þúsaldarleikvangur-
inn í Cardiff.“ n
10 íþróttir FRÉTTABLAÐIÐ 21. jAnúAR 2023
LAUGArDAGUr