Fréttablaðið - 21.01.2023, Blaðsíða 59

Það er eins og umræð-
an þroskist ekkert eða
þróist áfram.
Kynjafræðingarnir Þorsteinn
V. Einarsson og Sóley Tómas-
dóttir undirbúa nú nýja hlað-
varpsþætti þar sem þau ætla
að ræða saman um málefni
líðandi stundar út frá femín-
ísku sjónahorni. Þorsteinn
saknar þess að sjá umræðu
um karlmennsku þroskast.
odduraevar@frettabladid.is
„Ég og Sóley vinnum aðeins saman
í fræðslu og áður en við hittumst
ræðum við málin og förum yfir
hlutina. Við áttuðum okkur svo á
því að fólki fannst það áhugavert
þegar við vorum saman að spegla
hluti og vildi fá að heyra okkar
take á því og þá datt okkur í hug
að gera nýjan hlaðvarpsþátt, svona
eins og kallakallar, og spjalla um
málefni líðandi stundar og kryfja
þau,“ segir Þorsteinn V. Einarsson
sem fyrir löngu hefur vakið athygli
fyrir samfélagsverkefni sitt sem ber
heitið Karlmennskan.
Á þeim vettvangi hefur Þorsteinn
leitast við að hreyfa við íhaldssöm-
um hugmyndum um karlmennsku.
Hann segir ekki vöntun á fjölda
hlaðvarpsþátta þar sem einungis
karlar hittist og ræði saman sín á
milli um allt milli himins og jarðar
og hann og Sóley hafi fengið hug-
myndina að nýja þættinum sem enn
er nafnlaus.
„Markmiðið er að eiga gagnrýnið
og upplýst samtal um þessi mikil-
vægu málefni og hafa þau aðgengi-
leg fyrir fólk svo það geti velt fyrir
sér þessum jafnréttis- og mann-
réttindamálum út frá okkar sjónar-
horni,“ segir Þorsteinn.
Hann segir alla hafa skoðun á
þessum málum. „Bara alveg eins og
við höfum öll skoðun á til dæmis
handbolta. Þar erum við svo með
HM-stofuna og viðtöl en það er
rosalega lítið svoleiðis í boði sem
snýr að jafnréttismálunum, jafn-
vel þó að í hverri einustu viku komi
alltaf eitthvað upp í umræðunni
sem varðar mannréttindamál og
misrétti,“ segir Þorsteinn.
Þorsteinn og
Sóley verða með
kallakalla spjall
Ég til dæmis þarf alltaf
að vera að svara því
sama, að nei, ég hata
ekki karla, nei, ekki er
öll karlmennska skað-
leg.
Tilfallandi fjölmiðlar fjalli um
þau mál en Þorstein og Sóleyju
langar að gera það á markvissari
hátt. „Okkur langar að taka sam-
tímann og kryfja hann á mark-
vissan hátt og greina hann út frá
þessum jafnréttissjónarmiðum,“
útskýrir Þorsteinn.
„Okkur finnst sjálfum gaman
að spjalla saman og vonandi getur
fólk notfært sér þetta og þó að
markmiðið sé klárlega að fara á
dýptina ætlum við líka að reyna
að hafa þetta smá skemmtilegt.“
Aðspurður hvor t umræðan
um jafnréttismál hafi harðnað
á undanförnum árum segir Þor-
steinn hægt að færa rök fyrir því.
„Það sem mér finnst áhugavert er
að við erum alltaf að takast á um
sömu hlutina. Ef við tölum bara
um karlmennsku og ábyrgð karla,
hvers er krafist af körlum, þá virð-
umst við alltaf vera í sömu helvítis
hjólförunum,“ svarar Þorsteinn.
„Ég til dæmis þarf alltaf að vera
að svara því sama, að nei, ég hata
ekki karla, nei, ekki er öll karl-
mennska skaðleg og það er enginn
sem hefur sagt að það sé eitthvað
að því að vera karlmaður, sem
dæmi. Það er eins og umræðan
þroskist ekkert eða þróist áfram og
eins og sumir menn ákveði bara að
loka eyrunum og taki þetta ekkert
inn og kalli þetta bara eitthvert
kjaftæði og það er ekkert bara
einn maður sem stendur fyrir því,
það virðist vera mainstream við-
horfið.“
Þorsteinn segist gera ráð fyrir
því að fyrsti þáttur hjá honum og
Sóleyju komi út í febrúar. „Planið
var að taka nýja árið með trompi,
eigum við ekki bara að setja smá
pressu á okkur og segja að við
byrjum í febrúar? Segjum það,
fyrsti þáttur kemur út í febrúar,“
segir Þorsteinn hlæjandi. n
Fréttablaðið lífið 3521. janúar 2023
lAUGARDAGUR