Veiðimaðurinn - 01.03.1962, Síða 41

verður stöðugt umfangsmeira eftir því,
sem þekking á því eykst.
Fiskeldi í Washingtonháskóla.
Margar rannsóknarstofnanir hafa risið
upp til þess að vinna að verkefnum á
þessum sviðum. Bandaríkjastjórn ein
rekur nú tólf slíkar stofnanir og tilraun-
ir og rannsóknir eru framkvæmdar á
vegum einstakra ríkja og í háskólunum.
Of langt mál yrði að gera skil því helzta
sem unnið hefur verið að rannsóknum í
eldismálum í Bandaríkjunum, og skal
látið nægja að skýra lítils háttar frá hluta
af starfi, sem unnið hefur verið í Fiski-
fræðideild Washingtonháskóla í Seattle
í Washingtonríki, sem tvímælalaust
stendur fremst af háskólum vestra á þessu
sviði.
Maðurinn, sem mest liefur hvílt á í
Fiskifræðideildinni á sviði fiskeldis, og
sá, sem verið hefur lífið og sálin í starf-
semi á þessu sviði, er dr. Lauren R. Don-
aldson, prófessor. Dr. Donaldson hefur
unnið mest að tilraunum með fóðr-
un á laxfiskutn, einkum á kóngslaxi og
á regnbogasilungi, og að kynbótum á
sömu fisktegundum, sem hann hefur orð-
ið frægur fyrir. Flefur m. a. mátt lesa
um fiskkynbótatilraunir hans í íslenzk-
um dagblöðum. Dr. Donaldson hefur
jafnframt prófessorsstarfinu verið for-
stjóri fyrir rannsóknarstofnun Washing-
tonháskóla á sviði áhrifa geislavirkra efna
á lagardýr. Auk þess hefur gætt mikilla
áhrifa frá prófessornum á framfarir í
veiðimálum í Washingtonríki og reynd-
ar víða, þar á meðal á laxaeldi í sjó-
blöndu. Þá hafa margir stúdentar víðs
vegar að úr heiminum notið kennslu
hans og leiðbeininga, m. a. í sambandi
við rannsóknarverkefni, og er greinar-
höfundur í hópi þeirra.
Við Fiskifræðideildina hefur verið
unnið að mörgum verkefnum á sviði
laxfiskaeldis og fiskræktar, en hér verður
aðeins vikið að þremur þeirra, sem sé
tilraunum með fiskfóður, laxfiskakyn-
bótum og rannsóknum á átthagavísi silf-
urlaxins.
Fiskfóður.
Val á hæfu fiskfóðri er eitt erfiðasta
vandamál fiskeldis. Þegar fyrir aldamót
voru laxfiskaseiði, sem höfðu notað nær-
inguna úr kviðpokanum, fóðruð stutt-
an tíma í bandarískum klakhúsum.
Margs konar fóður, bæði soðið og ósoð-
ið, var notað, svo sem kjöt- og fiskmeti,
hænuegg og mjölmatur, og reyndust inn-
yfli nautpenings og svína vel, einkum
var hrá nautalifur gott fóður.
Það var fyrst á þriðja tug þessarar ald-
ar að farið var að gefa gaum að næring-
arþörf laxfiska og leggja vísindalegan
grundvöll að þekkingu á því sviði í
Bandaríkjunum. Fiskifræðideild Was-
hingtonháskóla hóf snemma þátttöku í
rannsóknum af þessu tagi. Gerður var
samanburður á ýmsum fóðurtegundum
til þess að fá fram gildi þeirra sem fisk-
fóðurs. Rannsóknum á næringargildi fóð-
urtegunda og fóðurblandna hefur nú
verið haldið áfram í rúmlega þrjá ára-
tugi með athyglisverðum árangri. Hefur
Donaldson, prófessor, tekizt með sér-
stakri fóðurblöndu að fá eitt kíló af
fiski á móti einu kílói af fóðri, og er þá
mikið af þurrfóðri notað í fóðurblönd-
una.
Veiðimaðurinn
31