Veiðimaðurinn - 01.11.2008, Blaðsíða 56

VEIÐISTAÐALÝSING
Hólkotsflói. Veiddur báðum megin frá Brettingsstöðum og Hamarsveiðum. Gjöfull staður en alls ekki allra.
Myndin er tekin af göngubrúnni fyrir neðan.
son, sem var fyrri maður móður Hákonar Jónssonar heimildar-
manns höfundar.
Rétt norðan og neðan göngubrúarinnar er Flathólmi og
dálítill veiðistaður norðan við hann. Norðan túngirðingar
Brettingsstaða og neðan bæjar er Hesthúsflói - hét áður
Ferjuflói og klettur nyrst við flóann, sem Ferjubjarg nefnist.
Þar var venjulega byrjað að kasta og þýddi lítið að reyna
sunnar. Hér veiddist stundum dável, en þó var Hesthúsflói
yfirleitt talinn miklu veiðisælli frá Hamarslandi.
Næsti veiðistaður, kippkorn norðar, heitir Strákaflói. Allra
syðst er þar góður veiðistaður út að hraungirðingu, sem
Aðhald nefnist.
Sjálfur Strákaflói er ógóður veiðistaður. Þrjú brot eru um
miðjan flóann og var stundum veitt norðan þeirra, en til þess
þarf að vaða á grýttum botni í misdýpi og talið hættulegt. Ysta
brotið heitir Strákavað og þótti vont vað. Hin brotin heita eftir
þeim sem drukknuðu í Brúarfossinum 1901, því þar fundust
þeir.
Við Hrappsstaðaey er allgóður veiðistaður og bestur í
lygnunni suðurafeynni.
Fleiri eru veiðistaðir ekki í Brettingsstaðalandi og víkjum
nú för okkar aftur upp að göngubrúnni við Brúarfoss og þaðan
ÍHamarsland.
Hamar
Fyrsti veiðistaður í Hamarslandi og ágætur er Hólkotsflói, sem
er ekki síðri veiðistaður Hamarsmegin en Brettingsstaðamegin.
Hér byrjum við ofarlega í strengjunum og þarf nú ekki að
teygja sig jafn ítarlega með köstin og frá vesturbakkanum. Við
byrjum rétt neðan girðingarinnar og látum ekki straumkastið
glepja okkur - fiskurinn er hér þótt áin sé ströng. Einnig hér
gildir hið sama, að fiskurinn er smærri í neðanverðum flóan-
um.
Þá komum við í Ferjuflóann (hét áður Hesthússflói). Sem
fyrr segir er flói þessi fengsælli frá Hamarslandinu. Nyrst við
flóann er klettur, sem Ferjubjarg nefnist. Af honum var kallað
eftir ferjunni, og við hann er byrjað að kasta. Veiðistaður er við
hólmann neðanundan Hamarsbænum, og þá jafnt ofanvert
sem neðanvert, og silung getur raunar að finna um allan
flóann.
Næst komum við að Strákaflóa neðan við þrengslin. Hon-
um hefur verið lýst úr Brettingsstaðalandi. Sem fyrr segir er
hann viðsjáll að vaða og hættulegur meðal annars vegna mis-
dýpis. Fisk mun að finna um allan þennan flóa, allt norður að
Hrappstaðaey, en Hákon gefur honum slaka einkunn og kallar
vesælan veiðistað.
Við Hrappstaðaey er ágætur veiðistaður í kvíslinni með
austurlandinu og má kasta úr landi. Vætt er í eyna, en þó tæp-
lega bússutækt. Þegar þangað er komið má veiða allt um-
hverfis eyna og þar má heita einhver besti veiðistaður í
Hamarslandi. í Hrappstaðavík er veiðistaður dágóður. Þá er
að geta síðasta og nyrsta veiðistaðar í Hamarslandi, norðan
Varastaðarhóma, sem talinn er góður.
Ljótsstaðaveiðar
Nú höfum við hugað að tveimur silungsveiðisvæðum Laxár,
sem auðveldara er að sækja frá Mývatnssveit. Héðan í frá
ætlum við veiðimönnum sókn frá veiðihúsinu góða austan og
ofar brúarinnar í Laxárdal, og byrjum þó syðst og efst að
vestanverðu í landi Ljótsstaða, sem eru nú í eyði en þangað er
bílfært heim í hlað. Leiðsögunnar vegna göngum við fyrst í
suður, um Ljótsstaðaskóg, að landamerkjum Brettingsstaða,
sem eru við Flathelli. Þaðan liggur götuslóði ofan að árbakka-
num þar sem heitir Æsufit, en hún nær norður á móts við
Hamar. Af Æsufit má veiða á þremur stöðum í vikum og við
brot, en hvarvetna er þar óvætt. Beint á móti Hamri eru tveir
dágóðir veiðistaðir af Æsufit.
Frá Æsufit finnum við ekki góðan veiðistað fyrr en við
Varastaðahólma, en sunnanundir honum er gott að veiða.
Norðvestur af hólmanum er líka dágóður veiðistaður og má
einnig kasta á hann úr landi. Sé vaðið í hólmann má einnig
veiða norður af honum þar sem álarnir sameinast. Vætt er í
hólmann að suðvestan, en botninn er grýttur, og ef mikið er í
ánni getur orðið þangað torleiði. Ekki vísar Hákon Jónsson
11 '08