Veiðimaðurinn - 01.11.2008, Blaðsíða 12

SVFR-FRÉTTIR
UTHLUTUN VEIÐILEYFA
í LAXÁ í MÝVATNSSVEIT
OG LAXÁRDAL
Stangaveiðifélag Reykjavíkur opnar fyrir
umsóknir á hin vinsælu urriðasvæði í Laxá í
Mývatnssveit og Laxárdal. Umsóknarfrest-
ur er til föstudagsins 10. desember 2008.
Um er að ræða tvö veiðisvæði, efra svæði sem í daglegu tali
nefnist Laxá í Mývatnssveit og neðra svæði sem gengur undir
nafninu Laxá í Laxárdal.
Efra svæði - Laxá í Mývatnssveit
Efra svæðið nær yfir þann hluta árinnar er tilheyrir Mývatns-
sveit og efsta hluta Laxárdals. Á svæðið eru seldar 14 dag-
stangir. Þar eru reyndar 9 svæði en tvö þeirra eru jafnan hvíld
dag hvern þannig að ekki er veitt á fleiri stangir en 14
samtímis.
Veiðimenn gista í veiðihúsinu Hofi þar sem þeir greiða fyrir
uppbúin rúm og fullt fæði á staðnum. Daggjald hafði ekki
verið ákveðið þegar Veiðimaðurinn fór í prentun en því verður
stillt í hóf.
Neðra svæði - Laxá í Laxárdal
Neðra svæðið er í Laxárdal. Það nær yfir meiri hluta Laxárdals
eða frá veiðimörkum neðst á veiðisvæði Laxár í Mývatnssveit
og niður undir Laxárvirkjun. Á svæðið eru seldar 10 dag-
stangir en þar eru þó 7 svæði með alls 14 stöngum. Þar sem
tvö svæði eru ávallt hvíld dag hvern er ekki veitt á fleiri stangir
en lOsamtímis.
Veiðimenn gista í veiðihúsinu að Rauðhólum þar sem þeir
greiða fyrir upp(á)búin rúm og fullt fæði á staðnum. Daggjald
hafði ekki verið ákveðið þegarVeiðimaðurinn fór í prentun en
því verður stillt í hóf.
Verðskrá
Meðfylgjandi verðskrá gildir fyrir bæði svæðin. Verðið er
félagsverð.
Verð veiðileyfa til utanfélagsmanna er að venju 20%
hærra en til félagsmanna.
Félagsverð á stöng á dag
1/6-13/6 26.900
13/6-22/6 26.900
22/6-1/7 26.900
1/7-10/7 28.900
10/7-1/8 28.900
1/8-16/8 23.600
16/8-31/8 21.800
Fyrirkomulag umsóknar
Bæði félagsmenn SVFR og utanfélagsmenn hafa möguleika á
að sækja um leyfi. Þá hafa fastir viðskiptavinir svæðanna
undanfarin ár ákveðinn forgang að sínu holli. Rétt er að benda
á að eitt nafn þarf að skrá fyrir hverja stöng sem sótt er um í
hópumsóknum.
Sérstök umsóknareyðublöð gilda þar sem aðilar geta sótt
um svæðin á sama hátt og önnur svæði, þ.e. með A, B, C....
forgangi í umsóknum. Umsóknir hafa ekki áhrif á almennar
umsóknir félagsmanna um önnur svæði samkvæmt söluskrá.
Hver umsókn er um eina stöng.
Reglur félagsins um hópumsóknir gilda bæði fyrir félags-
mennog utanfélagsmenn.
Þeir sem hafa verið fastir viðskiptavinir á svæðinu njóta for-
gangs í samræmi við samkomulag við Veiðifélag Laxár og
Krákár þar um. Ekki er hægt að lofa meiru en einu holli á hóp.
Við niðurröðun verður fyrst raðað niður þeim umsækjend-
um sem hafa verið í föstum viðskiptum á svæðinu undanfarin
5 ár eða lengur. Umsóknir félagsmanna, sem ekki hafa
veiðireynslu á svæðinu, eru teknar fyrir næst í samræmi við
vægi umsókna skv. úthlutunarreglum félagsins. Umsóknir
utanfélagsmanna sem ekki hafa veiðireynslu koma til úthlut-
unar þegar úthlutun til félagsmanna er lokið.
Framsal veiðileyfa er með öllu óheimilt nema með sam-
þykki skrifstofu SVFR.
Nánari upplýsingar eru veittar á skrifstofu SVFR í síma
5686050 og á vef félagsins www.svfr.is.
12
11 '08