Arkitektúr og skipulag - 01.06.1989, Page 78
Séð úr vestri.
Líkanmynd efri hæð
SIGBJÖRN KJARTANSSON
stundaði nám við Arkitekth0gskolen í Osló, haust '82 -
vor' 87.
Lokaverkefni haust '87, útskrifaður í jan. '88.
Lokaverkefni:
SAFNHÚS OG TÓNSKÓLI Á HÖFN í HORNAFIRÐI
„Þetta er bygging sem hýsa skal: Bókasafn, skjalasafn,
byggðasafn, náttúru- og listasafn og tónlistarskóla
Hafnarhrepps og/eða A-Skaftafellssýslu.
Sameinaðar eiga þessar stofnanir að vera menningarmiðstöð,
sem liggur vel við daglegri umferð Hafnarbúa og er auðsótt
ferðamönnum.
Byggingaráætlun var samin með fulltingi forstöðumanna
téðra stofnana, í samræmi við nýjustu kröfur og af nokkurri
framsýni; alls tæplega 1500 m2 nettó.
Lóð var valin 6000 m2 spilda á vesturbakka Hafnarlands,
milli Heilsugæslustöðvar og Hótels Hafnar.
Byggingin er þrjár álmur, T-laga á tveimur hæðum. Aðalálman
liggur frá norðri til suðurs og neðri hæð fellur að hluta til inn
í landið. Markmiðið með þessari uppbyggingu er:
1. að auðkenna „stað” í bæjarmyndinni og leysa aðkomu á
ákveðinn hátt, norðaustan hússins.
2. að undirstrika landslag lóðarinnar og afmarka útisvæði
Byggðasafns sunnan hússins.
3. að snúa öllum skrifstofum og vinnuherbergjum í vesturátt,
að tignarlegri jöklasýn sem er aðal Hafnar." I
76
ARKITEKTÚR OG SKIPULAG