Arkitektúr og skipulag - 01.09.1990, Blaðsíða 30

þau mannvirki sem áhrif hafa á útlit umhverf-
isins, nema aö fengnu leyfi viðkomandi
byggingarnefndar og byggingarnefnd getur
ekki veitt leyfi nema fyrirhugaöar framkvæmdir
séu í samræmi við staðfest aðalskipulag og
samþykkt deiliskipulag.
í stuttu máli er málum þá háttað þann-
ig, að vilji einhver byggja sér hús í byggð
þarf að sækja um leyfi til byggingarnefndar
viðkomandi sveitarfélags sem getur veitt
leyfið ef það samræmist staðfestu
aðalskipulagi og samþykktu deiliskipulagi.
Til vara er það reyndar tekið fram í skipu-
lagslögum að sé skipulag ekki fyrir hendi
getur sveitarstjórn veitt leyfið að fengnu
samþykki skipulagsstjórnar ríkisins.
Óski hins vegar einhver eftir leyfi til að
byggja hús í óbyggð vandast málið því þar
sem ekki er sveitarfélag er ekki
sveitarstjórn eða byggingarnefnd og
byggingarfulltrúi. Ekki geta aðrir aðilar en
byggingarnefnd og sveitarstjórn veitt
byggingarleyfi.
Hér er ekki verið að segja að þessi
staða útiloki að faglega sé tekið á öllum
framtíðaráformum um nýtingu hálendisins
en hinu er ekki að leyna að þetta gerir allt
byggingareftirlit erfiðara. Það er hlutverk
embættis skipulagsstjóra ríkisins að
fylgjast með störfum byggingarnefnda en
eðli málsins samkvæmt verður verulegur
munur á málsmeðferð byggingar-
leyfisumsókna í byggð og óbyggð og ég
get reyndar ekki séð hver getur heimilað
byggingarframkvæmdir á hálendi. Það er
þá helst að það ráðuneyti sem fer með
yfirstjórn skipulags- og byggingarmála geti
veitt byggingarleyfi í óbyggðum en eftir 1.
janúar 1990 falla þessi mál undir
umhverfisráðuneyti.
í bók sinni „Umhverfisréttur” heldur dr.
Gunnar Schram því fram að skipulags-
skylda gildi ekki í óbyggðum og ef vafi leiki
á því hvort mannvirki sé háð ákvæðum
byggingarlaga skuli félagsmálaráðherra
skera úr. Þetta ósamræmi sem er í
málsmeðferð skipulags- og byggingarmála
SKIPTING LANDSINS í SVEITARFÉLÖG í
DAG.
SKIPTING LANDSINS í SVEITARFÉLÖG SKV.
TILLÖGU SKIPULAGS RÍKISINS.
28