Arkitektúr og skipulag - 01.09.1990, Blaðsíða 46

TryOOv«U>
ibU00« ‘\v

Vtaonlnturj
í janúar s.l. efndu Selfosskaupstaöur og Skipulagsstjórn
ríkisins til hugmyndasamkeppni um skipulag miðbæjar á Selfossi.
Tilgangur samkeppninnar var að fá fram hugmyndir um uppbyggingu
heilsteyptari miðbæjarkjarna sem ekki aðeins þjónaði Selfossbæ
heldur öllum byggðasvæðum í Árnessýslu jafnframt því að í
miðbænum væri myndað aðlaðandi umhverfi.
1 dómnefnd áttu sæti Bárður Guðmundsson, byggingar-
fulltrúi, Karl Björnsson, bæjarstjóri, Valdimar Þorsteinsson, form.
skipulags- og byggingarnefndar, Grétar Jónsson, bæjarfulltrúi,
Stefán Thors, skipulagsstjóri ríkisins, Þórarinn Þórarinsson, arkitekt
og Páll V. Bjarnason, arkitekt.
Alls bárust 14 tillögur. Fyrstu verðlaun, kr. 850,000, hlaut
tillaga Þráins Haukssonar, landslagsarkitekts, FÍLAog Sigurðar Hall-
grímssonar, arkitekts, FAÍ.
í umsögn dómnefndar um þessa tillögu segir eftirfarandi:
„Tillagan fellur vel að núverandi byggð. Miðbæjarkjarni er vel
leystur og auðveldur í uppbyggingu. Umferð er nokkuð vel
leyst en bílastæði virðast þó vera vanáætluð, t.d. við
stjórnsýsluhús. Göngusvæði sunnan við stjórnsýsluhús og
nærliggjandi byggingar ásamt útivistarsvæði eru vel útfærð og
mynda góð tengsl við aðliggjandi svæði, t.d. Tryggvagarö.
Önnur græn svæði og gönguleiðir eru vel leyst. Framsetning er
með ágætum, skýr og greinargóö. “
Um grunnhugmynd tillögunnar segja höfundar:
„Grunnhugmynd tillögunnar er bærinn við brúarsporðinn. Ölfusárbrú
er hliðið að brúartorgi. Brúartorg er umferðartorg með miðju í
skurðarpunkti hinna þriggja meginása bæjarins. Torgið safnar í kring
um sig helstu byggingum bæjarins og dreifir umferðinni jafnt í allar áttir.
Þéttasti byggingarkjarninn snýr sér frá umferðinni og að skjólgóðum
bæjargarði, sem snýr vel við sól. “ ■
44