Arkitektúr og skipulag - 01.09.1990, Blaðsíða 65

miuö9i
Norræn ráðstefna um umhverfismenntun
í Reykjavík 12.-14. júní 1991
Hér er birt til kynningar merki norrænnar ráöstefnu um
umhverfisfræðsiu„Milj0 91”, sem Sigurður Örn Brynjólfsson hefur
hannaö. Hugmyndir hans beinast að því aö merkið sé ekki aðeins
óhreyfanlegt tákn heldur hafi það hreyfanleika sem bjóði upp á
margvíslega notkun, t.d. teiknimyndir, myndasögur, auglýsingar,
plaköt, bæklinga, minjagripi og stundatöflur nemenda. Merkið er
hugsað sem rauður þráður í gegnum allt efni sem gert verður í
tengslum við ráðstefnuna og að henni lokinni verði það áfram tákn
fyrir umfjöllun um umhverfisvernd og umhverfisfræðslu, t.d. í
dagblöðum, tímaritum, í strætisvögnum og á innkaupapokum.
HVAÐER MILJÖ 91?
Miljo 91 er norræn ráðstefna um umhverfisfræðslu sem haldin
verður hér á landi 12.-14. júni 1991.
Á áttunda áratugnum stóðu Norðurlöndin fyrir sameigin-
legu átaki til að efla umhverfisfræðslu. í framhaldi af því var
ákveðið að efna til ráðstefnu annað hvert ár til skiptis á
Norðurlöndum. Fyrsta ráðstefnan var í Stokkhólmi 1983, önnur í
Osló 1985, sú þriðja í Helsinki 1987 og sú fjórða í Kaupmannahöfn
vorið 1989. Á þessum ráðstefnum hafa verið rúmlega 1000
manns. Þeim hafa fylgt umfangsmiklar sýningar og skoðunarferðir.
Ríkisstjórn íslands hefur ákveðið að fimmta ráðstefnan
verði í Reykjavík 1991. Þar mun fjöldi skóla, aðrar stofnanir,
fyrirtæki og félög leggja sitt af mörkum og er þetta kærkomið
tækifaeri fyrir okkur íslendinga til að efla umhverfismenntun hér á
landi auk þess að miðla öðrum af reynslu okkar.
Ráðstefnan stendur yfir frá miðvikudegi til föstudagskvölds.
Stórfundir verða í Háskólabíói og minni fundir og sýning í
Hagaskóla og Melaskóla. Tíminn var ákveðinn í samráði við
fulltrúa hinna Norðurlandanna í undirbúningshópnum, en þeir eru
tveir frá hverju landi. Boðið verður upp á ferðir út á land í kjölfar
ráðstefnunnar þar sem m.a. verða heimsóttir skólar og stofnanir.
Einnig verða skoðunarferðir um höfuðborgar-svæðið og í nálæg
byggðarlög fléttuð inn í dagskrána. Reiknað er með um 800
þátttakendum.
UNDIRBÚNINGUR RÁÐSTEFNUNNAR
Gildi þessara ráðstefna er einkum að örva fólk til góðra verka, ekki
síst fyrir hverja ráðstefnu með markvissum undirbúningi, m.a. með
því að styðja og skilgreina efnileg verkefni í skólum og víðar sem
síðan verða kynnt á sýningu og í dagskrá.
Samstarfsnefnd fjögurra ráðuneyta hefur yfirumsjón með
undirbúningi ráðstefnunnar. í nefndinni sitja Þorvaldur Örn
Árnason, námstjóri í menntamálaráðuneytinu (formaður), Elín
Pálmadóttir tilnefnd af félagsmálaráðuneyti, Hrafn V. Friðriksson
tilnefndur af heilbrigðis- og tryggingamálaráðuneyti og Gestur
Ólafsson tilnefndur af umhverfisráðuneyti.
Verkefnisstjóri, Sigurlín Sveinbjarnardóttir, hefur verið í
hálfu starfi frá 1. sept. 1989 en er nú ráðin í fullt starf næsta
skólaár. Dagskrá ráðstefnunnar er nærri fullmótuð. Lögð er áhersla
á málefni sem tengjast sérkennum íslenskrar náttúru og atvinnu
hátta. Sem dæmi má nefna hafið og nýtingu þess, gróðureyðingu
og gróðurvernd, eldvirkni, nýtingu vatnsorku og jarðvarma. Af 13
þemahópum ráðstefnunnar verða 2 sem fjalla sérstaklega um
skipulagsmál bæði í þéttbýli og dreifbýli. Hópar fagfólks vinna að
mótun dagskrár og sýningar ráðstefnunnar enda stendur eða fellur
hún með því að sem flestir leggi til vinnu og hugmyndir. Vitund
uppvaxandi kynslóðar skiptir miklu máli, dagvistarheimili og skólar
geta í samvinnu við heimilin og aðra breytt miklu um viðhorf til
umhverfismála og þar eru margir þættir sem þarf að sinna betur.
Munum að við höfum umhverfið að láni frá börnunum
okkar. ■
63