Arkitektúr og skipulag - 01.09.1990, Page 87

Módelmynd af
samþykktu skipulagi.
Skurömyndir.
Lögð verður áhersla á ítarlega hönnun þannig að hverfið fái fágað
og heilsteypt yfirbragð. Batteríið mun sjá um hönnun allra íbúða
svæðisins þó svo að SH - verktakar muni selja lóðir einbýlishúsa og
raðhúsa einkaaðilum til byggingar, með því frelsi sem því fylgir.
STALLAHÚSIN
Stallahúsin eru fjórar hæðir. Þau leggjast inn í hlíðina með sama
hallaog landið og verka því írauneins og tveggja hæða-hús. íbúðirnar
eru stórar lúxusíbúðir fyrir fólk sem vill lítinn og viðhaldsgrannan garð
og mikið útsýni. Garðurinn eru stórar og rúmgóðar svalir eða
einskonar þakgarður. Á hluta hvers þakgarðs er að sjálfsögðu gert ráð
fyrir myndarlegri garðstofu. Sameiginleg leiksvæði eru grafin inn í
hlíðina ofan við stallahúsin.
raðhúsin
Raðhúsin, neðri hluti bogaveggjarins, eru tveggja hæða einingar,
sem trappast heila hæð milli eininga þannig að útsýni er áþekkt í öllum
húsum. Hverju húsi fylgir garður, auk möguleika á svölum og
garðstofu.
EINBÝLISHÚSIN
Þessi fáu „Beverly hills”-hús fá legu sem er einstök á
höfuðborgarsvæðinu. Einbýlishúsin verða á tveimur hæðum og til að
losna við að sökklar standi upp úr landi að neðanverðu verður stöllun
nauðsynleg í sumum tilfellum. Húsin verða staðsett nálægt götu og
því eðlilega frekar lokuð til norðausturs en geta opnast þeim mun
meira að útsýni og sól til suðvesturs. Við þetta nýtur einnig stærstur
hluti hverrar lóðar sólar sem best. Lóðirnar bjóða upp á spennandi
möguleika í garðahönnun sökum hallans.
FJÖLBÝLISHÚSIN
Efsti hluti bogaveggjarins er þrjár hæðir, samvaxnar þrí- og
fjórbýliseiningar. Markmiðið með þessum íbúðum er að uppfylla
kröfur þess fólks sem forðast sameignir og fær því hver íbúð
sérinngang. Minnstu íbúðirnar eru á jarðhæð með sér garði. Gengið
er í stærri íbúðirnar af annarri hæð. Þær eru á tveimur hæðum og er
garðstofa á neðri hæðinni og svalir á þeirri efri.
Með slíkum gæðakröfum ofan á hina frábæru legu íbúðanna er
stuðlað að því að fólk noti sér þetta sambýli til langtíma en ekki
stökkpall í annað óskilgreint húsnæði, eins og svo algengt er um
hefðbundnar blokkaríbúðir. Bílskúrar fylgja um helmingi íbúðanna.
Framan við íbúðirnareru leiksvæði á tiltölulega sléttu landi, einni hæð
ofar en gatan og því laus við alla truflun bíla. Akfær stígur er framan
við leiksvæðið, ætlaður sorp-, sjúkra- og slökkviliðsbílum auk erindis-
isaksturs vegna flutninga.
NIÐURLAG
Það verður að segjast að verkefnið er mjög yfirgripsmikið og
þess krafist að allflestar nótur á nótnaborði arkitektsins séu notaðar,
allt frá skipulagi til innréttinga.
Það er ekki á hverjum degi að einkaaðilar á íslandi fari af stað
með verkefni af þessari stærðargráðu, en undirbúningsvinna hefur
staðið yfir nú í sumar og munu framkvæmdir væntanlega hefjast á
haustdögum.
Framkvæmdaraðili: SH-verktakar hf
Arkitektar: Batteríið, arkitektar sfJón Ólafur Ólafsson
og Sigurður Einarsson
Verkfræðingar: Hönnun hf. ■
85