AVS. Arkitektúr verktækni skipulag - 01.08.1996, Blaðsíða 20

gefinn kostur á að koma með ábendingar til
stýrihópsins.
NÚVERANDI STAÐA í FERÐAÞJÓNUSTU
Gjaldeyristekjur
Hlutur ferðaþjónustu í útfluttri vöru og þjónustu er að
aukast og var árið 1995 u.þ.b. 11%. Heildargjald-
eyristekjur af ferðaþjónustu árið 1995 voru u.þ.þ. 18,7
milljarðar. Hlutdeild gjaldeyristekna í heildarveltu
atvinnugreinarinnar er áætluð um 55%. Hinir þættirnir
eru tekjur atvinnugreinarinnar af innanlandsferða-
mönnum og af utanferðum fólks með búsetu á
íslandi. Framlag ferðaþjónustunnar til landsfram-
leiðslu hefur hins vegar verið á bilinu 3-3,5% á undan-
förnum árum, syo og hlutur hennar í launum og launa-
tengdum gjöldum.
Heimild: Þjóðhagsstofnun.
ÁRSVERK
Ársverk í ferðaþjónustu voru samkvæmt mati Þjóó-
hagsstofnunar árið 1994 um 4000 talsins, eða um
3% af heildarársverkum. Athygli vekur að þrátt fyrir
nær tvöföldun í umfangi greinarinnar sl. áratug hafa
áætluð ársverk nær staðið í stað. Hlutfall ársverka í
ferðaþjónustu er í alþjóðlegum samanþurði fremur
lágt.
Erfitt er að meta hvaða áhrif það muni hafa á ársverk
í ferðaþjónustu, nái sett markmið fram að ganga.
Fjöldi ársverka í ferðaþjónustu fór vaxandi fram til
ársins 1987 en eftir þann tíma hefur vöxtur ársverka
ekki haldist í hendur við fjölgun ferðamanna og aukn-
ingu gjaldeyristekna. Fjöldi ársverka í ferðaþjónustu
var skv. upplýsingum þjóðhagsstofnunar 3.775 árið
1993. Hlutur hótela og veitingastaða í heildar-
ársverkum feróaþjónustunnar er rúmlega 40%.
Ársverk tengd samgöngum á landi og í lofti eru um
30%. Uppgangur hjá Flugleiðum undanfarið hefur
leitt til fjölgunar starfsmanna.
FJÖLDI FERÐAMANNA
Ferðaþjónusta hefur verið í örri þróun á íslandi
síðastliðin ár. Umfang greinarinnar hefur aukist mikið
í fjölda erlendra ferðamanna (gesta) og í gjaldeyris-
tekjum. Einnig hafa ferðalög innanlands tekið fjör-
kipp. Framboð alls kyns ferðaþjónustu á íslandi hefur
aukist mikið, svo og sætaframboð flugfélaga í áætlun-
ar- og leiguflugi til landsins.
2. Þróun ó fjölda erlendra gesta til Islands 1970-1995.
Heimild: Utlendingaeftirlitið.
Upplýsingar um ferðaþjónustu á íslandi eru af skorn-
um skammti og því erfitt að gera sér nákvæmlega
grein fyrir stöðu hennar. Helstu viðmiðunarstærðir
hafa verið skráning Útlendingaeftirlitsins á komum
farþega til landsins með flugi, ferjum og
skemmtiferðaskipum, upplýsingar Seðlabanka
íslands um gjaldeyristekjur og gistináttatalning
Hagstofu íslands frá 1986, sem gefur nokkra
hugmynd um samsetningu, dvalartíma og ferða-
hegðun ferðamannanna. Við vitum t.d. að innan-
landsferðamenn eru stærsti viðskiptavinahópur ís-
lenskrar ferðaþjónustu og fjölmennasti hópurinn frá
einstöku landi eru Þjóðverjar.
DREIFING FERÐAMANNA EFTIR ÁRSTÍÐUM
Helstu vandamál ferðaþjónustu á íslandi sem stendur
eru stutt háönn, ónóg dreifing ferðamanna um landið
og mismunandi arðsemi ferðaþjónustufyrirtækja,
18