AVS. Arkitektúr verktækni skipulag - 01.12.1997, Síða 26

Afstaða míns flokks hefur komið fram á síðasta
kjörtímabili. Þá var leitast við að leggja aukið fé til
hafna, vega og viðhalds. Þær ákvarðanir leiddu til
meiri halla á ríkissjóði en komu í veg fyrir stórfellt
atvinnuleysi. Telja verður að tekist hafi að fara
nokkurn meðalveg við erfiðar aðstæður. Það sýnir
efnahagsbatinn og bætt staða ríkissjóðs. Æskilegt
og eðlilegt er að beita ríkisfjármálum til þess að
jafna sveiflur sem verða, en um þær aðgerðir verð-
ur jafnan deilt. En atvinnufyrirtækin og sveitarfé-
lögin gegna þarna einnig mikilvægu hlutverki.
Vegna byggingar Hvalfjarðarganga, stækkunar Ál-
vers í Straumsvík og framkvæmda við stóriðju á
Grundartanga ásamt virkjanaframkvæmdum verð-
ur nauðsynlegt og eðlilegt að draga úr fjárfesting-
aráformum ríkissjóðs um sinn.
SKATTLAGNING ATVINNUVEGANNA
Á síðasta kjörtímabili voru gerðar umfangsmiklar
breytingar á skattlagningu atvinnufyrirtækja. Að-
stöðugjaldið var lagt af og tekjuskattshlutfall lækk-
að verulega. Tryggingagjald tók að nokkru við sem
tekjustofn í tveimur flokkum eftir atvinnugreinum
og undan því er kvartað. Sagt er að atvinnulífinu sé
skipt upp í „Jón og séra Jón“. Vissulega er það rétt.
Og talað er um að Eftirlitsstofnun EFTA muni gera
athugasemd við álagningu tryggingagjalds í tveim-
ur flokkum eftir atvinnugreinum. Sjálfstæðisflokk-
urinn ber fulla ábyrgð á þessari álagningu í tveim-
ur flokkum. Ég tel hins vegar að næstu breytingar
„Verði veiðileyfagjald hœkkað, sem ég tel
líklegt, hljóta skattamál atvinnulífsins í heild
að verða tekin til uppstokkunar, þvífrekari og
aukin útgjöld ríkisins sem byggjast á hœkkun
skatta á sjávarútvegsfyrirtœki eiga ekki að
vera á dagskrá.
sem verða gerðar á skattlagningu fyrirtækja hljóti
að taka mið af gjaldtöku fyrir auðlindaaðgang og
einnig markvissa gjaldtöku vegna mengandi starf-
semi.
Verði veiðileyfagjald hækkað, sem ég tel líklegt,
hljóta skattamál atvinnulífsins í heild að verða tek-
in til uppstokkunar, því frekari og aukin útgjöld rík-
isins sem byggjast á hækkun skatta á sjávarút-
vegsfyrirtæki eiga ekki að vera á dagskrá. Ég tel
nauðsynlegt að lækka skatta um leið og dregið er
úr ríkisútgjöldum og skuldir lækka.
FRAMKVÆMDADEILDIR STOFNANA
Mjög hefur dregið úr því að ríkisstofnanir haldi úti
hönnunar- og verktakastarfsemi. Með aukinni
samkeppni og öflugri verktakafyrirtækjum hefur
skilningur aukist á því að ríkið dragi sig út úr slík-
um rekstri. Ég tel eðlilegt að hönnunar- og fram-
kvæmdadeildir á vegum ríkisstofnana verði lagð-
ar niður. Rannsóknir og fjárhagslegt eftirlit geti
áfram hins vegar verið á vegum ríkisstofnana.
MANNVIRKJAGERÐ OG UMHVERFISVERND
Öll mannvirkjagerð hlýtur að raska umhverfinu
með einhverjum hætti. Mjög ör þróun hefur orðið
hvað varðar kröfur til umhverfisverndar í tengslum
við mannvirkjagerð. Sem þingmaður Sjálfstæðis-
flokksins vil ég leggja mjög ríka áherslu á sérstöðu
okkar sem búum í landi, sem er viðkvæmt fyrir
mengun og raski á viðkvæmu gróðurlendi, ám og
vötnum. Því er nauðsynlegt að vera á verði og
gæta þess að raska ekki landi að óþörfu með
mannvirkjagerð og taka tillit til þeirrar byggðar sem
fyrir er. Opinberar stofnanir, sem skipuleggja og
bera ábyrgð á mannvirkjagerð, verða að taka tillit
til breyttra sjónarmiða gagnvart umhverfisvernd og
taka tillit til byggðra bóla. Lög um umhverfismat
með úrskurðarvaldi ráðherra virðast ekki vera sú
trygging sem þau áttu að verða fyrir landeigendur
og sveitarstjórnir sem vilja vera á verði gagnvart
umhverfisröskun.
ATVINNUSTEFNA OG MANNVIRKJAGERÐ
Heilbrigt efnahagslíf og efnahagslegur stöðugleiki
eru forsenda góðrar afkomu og atvinnuöryggis í
landinu. Uppbygging atvinnuvega þjóðarinnar, þar
á meðal byggingariðnaðar, er undirstaða almennr-
ar velmegunar og fullrar atvinnu.
Með ráðdeild í ríkisrekstri og með því að skapa
heilbrigt rekstrarumhverfi geta stjórnmálamenn
lagt grunn að atvinnustefnu með öflugum bygg-
ingariðnaði og verktakastarfsemi við arðbæra
mannvirkjagerð. Það verður best gert með traustri
áætlanagerð og dreifingu kostnaðarsamra verka
eftir álagi og eftirspurn á vinnumarkaði.
HVAR EIGA ÁHERSLUR AÐ LIGGJA?
íbúðarhúsabyggingar eru stór hluti af mannvirkja-
gerð í landinu. Þegar litið er á verð íbúðarhúsnæð-
is er Ijóst að kostnaður er of hár miðað við kaup-
mátt almennings. Þrátt fyrir öra þróun í byggingar-
iðnaði og lækkun vaxta hefur ekki tekist að lækka
verð íbúðarhúsnæðis nægjanlega. Því er það
24