Bændablaðið - 09.02.2023, Blaðsíða 58

56 Bændablaðið | Fimmtudagur 9. febrúar 2023
Fermingarnar nálgast óðfluga
og þá þarf að baka. En það þarf
ekki allt að vera marengs og
marsípan.
Ostakaka, sérstaklega bökuð
ostakaka, er fullkomin blanda fyrir
unglinga- og fullorðinsbragðlauka.
Hæfir þannig tilefninu fullkomlega.
Hvort sem fermingin fer fram með
blessun heilagra eða húmanista.
Bökuð ostakaka, oft kölluð New
York ostakaka, þarf að dansa á
línunni að vera sæt eða súr. Sykur
sér um sætuna en sýran kemur úr
rjómaosti og súrrjóma.
Botninn er hægt að gera á marga
vegu en klassískur ostakökubotn
er blanda af digestive-kexi og
hafrakexi. Og smjöri.
Þannig er nákvæmlega ekkert
hollt við þessa köku. Tæknilega
kannski eggin en samt ekki. Enda
er kakan svo saðsöm að hún fer langt
með að metta heila veislu upp á sitt
einsdæmi. Ekki ósvipað og hjá Sússa
forðum. Öruggara að gera tvær eða
jafnvel þrjár.
Því þær hverfa hratt af
veisluborðinu þessar.
Grunnstoðirnar
Botninn er gerður úr blöndu af kexi
og smjöri. 80 grömm af mjúku
smjöri, 175 grömm af digestive
kexi og 75 grömm af hafrakexi fara
saman í matvinnsluvél.
Hlutföllin geta verið öfug eða
jöfn eða bara hvernig sem er. Allt
eftir smekk.
Kexið og smjörið er púlsað
saman þangað til að allt er orðið
eins og blautur sandur og smjörið
fullkomlega samblandað. Tæknilega
er hægt að blanda þessu saman
með puttunum og kökukefli en það
verða aldrei fermingarveislugæði á
þeim botni.
Dreifa í botninn á springformi og
þjappa vel, þessi kaka er miðuð við
25 cm form. Ef formið er gott og
litlar líkur eru á að botninn festist
í botninum er um að gera að setja
kexið beint á botninn.
Annars er gott að setja góðan
bökunarpappír undir. Það þarf ekki
að baka botninn sérstaklega enda
kexið fulleldað og svo bakast hann
líka með kökunni í ofninum.
Fyllingin
Hræra 3 stór egg saman við tvo og
hálfan desilítra af sykri. Börkurinn
af einni sítrónu fer út í ásamt 600
grömmum af rjómaosti og 150
grömmum af sýrðum rjóma.
Passa þegar börkurinn er
raspaður af sítrónunni að taka
bara þetta gula. Það er allt
fullt af náttúrulegum olíum og
sítrónubragði.
Þetta hvíta sem er undir þessu
gula er bara fullt af biturleik og
leiðindum. Þannig að passa þarf
að halda því frá. Best að nota
míkrórasp. Út í blönduna fara að
lokum tvær teskeiðar af góðum
vanilludropum og eins og hálf
teskeið af fínu salti.
Hella blöndunni yfir kexbotninn
og setja inn í 175 gráðu heitan ofn.
Kakan fer í miðjan ofninn og
sjóðandi vatn fer í ofnskúffu neðst
í sama ofn.
Baka í plús, mínus 35 mínútur
eða þangað til kantarnir byrja
aðeins að taka lit. Ekki ofelda
kökuna. Miðjan á að vera
hlaupkennd þegar hún kemur úr
ofninum. Kæla niður í kæliskáp
eða úti við ísskápshita í að minnsta
kosti fjóra tíma eða yfir nótt.
Hér kynnumst við þeim Aðalheiði
og Bjarna sem búa á blönduðu búi
í Skeiða- og Gnjúpverjahreppnum
og má með sanni segja að hjá þeim
sé líf og fjör alla daga.
Býli? Stóra-Mástunga 1.
Staðsett í sveit? Skeiða- og
Gnúpverjahreppi.
Ábúendur? Bjarni Másson og
Aðalheiður Einarsdóttir.
Fjölskyldustærð (og
gæludýra)? Fjögur börn, þau
Már Óskar, 12 ára, Haukur Atli,
7 ára, Þórhildur Ragna, 3 ára og
Ragnhildur Steinunn, 2 ára.
Að auki eigum við kettina
Batman og Elsu og svo
lögregluhundinn hann Rex.
Stærð jarðar? 480 ha, 80 ha
ræktaðir.
Gerð bús? Blandað
bú; mjólkurframleiðsla,
sauðfjárrækt, hrossarækt og
ferðaþjónusta.
Fjöldi búfjár? 140 nautgripir,
50 kindur og 20 hross.
Hvernig gengur hefðbundinn
vinnudagur fyrir sig á
bænum? Hann byrjar og endar
í fjósinu, þess á milli hin ýmsu
árstíðabundnu verk.
Skemmtilegustu/leiðinlegustu
bústörfin? Margt skemmtilegt;
fóðra gripina, heyja á sumrin
í góðu veðri. Stúdera val á
stóðhestum fyrir hryssurnar.
Leiðinlegast er svo að handmoka
skít og gera við ónýtar girðingar.
Hvernig sjáið þið búskapinn
fyrir ykkur á jörðinni eftir 5
ár? Meiri mjólkurframleiðsla,
fleira sauðfé og hross.
Hvað er alltaf til í ísskápnum?
Egg, ostur, mjólk og Opal peli.
Hver er vinsælasti maturinn á
heimilinu? Lasagne.
Eftirminnilegasta atvikið við
bústörfin? Margt eftirminnilegt,
en í augnablikinu er það
gangsetning á mjaltaþjóni í
desember síðastliðnum.
Stóra-Mástunga 1
BÆRINN OKKAR
MATARKRÓKURINN
Haraldur Jónasson
haradlur@gmail.com
Ostakakan sem aldrei sefur
Það þarf enga sultu á hana þessa. Mynd/ Hari.
Botninn
80 g mjúkt smjör
250 grömm kex, t.d. blanda
af digestive og hafra í
hlutföllunum 70/30
Kakan
3 egg
2,5 dl sykur
börkur af einni sítrónu
600 g rjómaostur
150 g sýrður rjómi
2 tsk. vanilludropar
½ tsk. salt
Tæknilega er
hægt að blanda
þessu saman með
puttunum og kökukefli
en það verða aldrei
fermingarveislugæði á
þeim botni ...“