Þingtíðindi Alþýðusambands Íslands ... - 20.05.1996, Qupperneq 33

um. Á því tímabili sem nú er að ljúka hafa samskipti við stjórnvöld að ýmsu
leyti verið góð, þótt auðvitað hafi oft skorist í odda. En á síðustu mánuðum hafa
orðið mikil umskipti hvað þessi samskipti varðar. Núverandi ríkisstjórn hefur
þannig kosið að nota mikinn þingstyrk sinn til þess að knýja fram nýjar og fast-
ar reglur um samskiptahætti á vinnumarkaði. Þetta hefur ríkisstjórnin valið að
gera í algerri andstöðu við verkalýðshreyfinguna. Framferði rrkisstjórnarinnar
ógnar þannig verulega framtíð þríhliða samráðs milli stjórnvalda og aðila vinnu-
markaðar hér á landi á næstu árum. Ríkisstjórnin á þó enn möguleika til þess að
sjá að sér og kannski getur 38. þing ASÍ beitt styrk sínum til þess að beina rík-
isstjórninni í rétta átt.
Utanríkismál og alþjóðastarf
Á þessu tímabili hefur ASI unni að því að efla samstarf sitt við bæði norrænu og
evrópsku verkalýðshreyfinguna eftir fremsta megni. Þátttaka okkar í norrænu
samstarfi hefur frekar aukist og við höfum aukið þátttökuna í starfi Evrópusam-
bands verkalýðsfélaga verulega, t.d. með því að sækja reglulega fundi fram-
kvæmdastjórnar samtakanna og tekið þátt í starfi ýmissa vinnuhópa.
Gott dæmi um starf ASI innan Evrópusambands verkalýðsfélaga er að við
tókum virkan þátt í að gera samning á milli Evrópusamtaka launafólks og at-
vinnurekenda um foreldraorlof á síðasta ári. Sá samningur var tímamótaverk og
þetta var í fyrsta skipti sem Evrópusamtök aðila vinnumarkaðarins fá tækifæri
til þess að semja um reglur sem stefnt er að taki gildi í allri Vestur-Evrópu.
Samningurinn mun að öllum líkindum koma til framkvæmda hér á landi um
aldamótin næstu.
Annað dæmi um þátttöku okkar í erlendu samstarfi er að ASÍ hefur tekið
virkan þátt í starfi ráðgjafarnefndar EFTA í mörg ár og á síðustu tveimur árum
hefur framkvæmdastjóri ASÍ farið með formennsku í þeirri nefnd.
Varðandi alþjóðamálin á heimavelli þá hefur starfið mikið snúist um það að
koma Evrópureglum í framkvæmd hér á landi. Af hálfu ASI hefur verið lögð
mikil áhersla á að gera kjarasamninga um tilskipanir sem snúa að vinnumark-
aðnum. Á síðasta ári hafa landssamböndin þannig fengið umboð til þess að gera
samninga fyrir hönd aðildarfélaga sinna um þessi mál og það sama má segja um
forseta ASÍ fyrir hönd félaga með beina aðild. Forysta sambandsins hefur þann-
ig fengið umboð til þess að gera samninga af þessu tagi fyrir hönd allrar hreyf-
ingarinnar. Fyrsti samnigurinn af þessu tagi um skyldu atvinnurekenda til þess
að votta ráðningarkjör starfsmanna var gerður fyrir stuttu síðan og á að koma til
framkvæmda í síðasta lagi 1. júlí næstkomandi.
Þá hefur Alþýðsambandið með verulegum árangri unnið að því að hafa áhrif
á stefnu stjórnvalda um framkvæmd félagslegrar hliðar EES samningsins hér á
landi.
Síðast en ekki síst skal bent á vaxandi áherslu Alþýðusambandsins á starfið
innan Alþjóðavinnumálastofnunarinnar, ILO. Það starf og aukin þekking á sam-
31