Þingtíðindi Alþýðusambands Íslands ... - 20.05.1996, Qupperneq 73

Alls 3726. Auðir seðlar og ógildir 12. Atkvæði greiddu 426. Upphafleg tillaga
að kjörnefnd var því samþykkt og tók Sigurður Ingvarsson að sér formennsku í
nefndinni.
Forsetakjör
Kjör forseta Alþýðusambandsins fór fram miðvikudaginn 22. maí. Fyrir þingið
hafði Hervar Gunnarsson gefið út þá yfirlýsingu að hann hyggðist gefa kost á
sér í embætti forseta sambandsins. Kjörnefnd gerði tillögu um Grétar Þorsteins-
son sem forseta, Hervar Gunnarsson sem fyrsta varaforseta og Ingibjörgu R.
Guðmundsdóttur sem annan varaforseta.
Tillaga barst frá Sigurði R. Olafssyni, Skildi Þorgrímssyni, Erling R. Guð-
mundssyni og Birgi Björgvinssyni um Eirík Stefánsson sem forseta. Fleiri til-
lögur bárust ekki.
Var þá gengið til kosningar forseta.
Úrslit fóru sem hér segir:
Grétar Þorsteinsson
Eiríkur Stefánsson
Auð atkvæði og ógild
Atkvæði samtals
45.225 atkvæði eða 76.6 %
13.825 atkvæði eða 23.4 %
3.200
62.250
Grétar Þorsteinsson var því rétt kjörinn forseti ASÍ til næstu fjögurra ára.
Þakkaði Grétar það traust sem þingið sýndi honum og sagði brýnt að allir
tækju þátt í þeim verkum sem framundan væru, undirstrikaði hann að hann
treysti því að samstaða væri til verkanna.
Kjör 1. varaforseta
Tillaga kjörnefndar um Hervar Gunnarsson. Ekki komu aðrar uppástungur og
lýsti forseti því Hervar réttkjörinn 1. varaforseta til næstu fjögurra ára.
Hervar tók til máls og sagði að alþjóð vissi að hann hefði lýst því yfir að
hann yrði í kjöri til forseta. Hann ítrekaði að hann hefði líka lýst því yfir að yrði
samstaða um fólk þá væri hann tilbúinn til samstarfs. Það sem skipti verkalýðs-
hreyfinguna mestu máli væri samstaðan, ekki persónurnar. I ljósi þessa hefði
hann ákveðið að fara frekar fram sem varaforseti þegar ljóst var að Grétar væri
tilbúinn til samstarfs. Að lokum þakkaði hann ótvíræðan stuðning þingheims við
sig.
71