Þingtíðindi Alþýðusambands Íslands ... - 20.05.1996, Page 84

Atvinnumálin og framtíðin
Framsögumaður í fyrstu umræðu var Gylfi Arnbjörnsson sem flutti ræðu Ingi-
bjargar R. Guðmundsdóttur um atvinnustefnu, þar sem hún kom ekki upp
nokkru orði sökum hæsis. I ræðunni kom fram að atvinnumálahópurinn hefði
lagt upp með mjög góðan grunn í „Atvinnustefnu til nýrrar aldar“, sem ASI gaf
út í nóvember 1994. Atvinnustefnan væri unnin með áherslu á framtíðarsýn,
markmiðið væri að finna leiðir til að útrýma atvinnuleysi og skapa góð og hvetj-
andi störf sem tryggðu hátt launastig. Til að ná sama kaupmáttarstigi og ná-
grannalöndin þyrfti að umbylta íslensku atvinnulífi, efla verk- og tæknimennt-
un og auka verðmætasköpun. Rannsóknir væru forsenda samkeppnishæfni og
þróunar íslensks atvinnulífs og þar ætti verkalýðshreyfingin að koma að stefnu-
mótun. Einnig þyrfti að hafa áhrif á rannsókna- og tækniáætlun ESB í gegnum
EES til að tryggja að atriði eins og vinnuumhverfi og mannauður verði hluti
rammaáætlunar.
Fram kom að atvinnustefna ASÍ ætti að ná til mjög margra málaflokka; í
henni fælist meðal annars iðnaðarstefna þar sem áhersla væri lögð á nýsköpun,
heildstæða sjávarútvegsstefnu sem fulltrúar fiskverkafólks, sjómanna og starfs-
fólks í almennum iðnaði hefðu unnið og stefndi að fullvinnslu og sveiflujöfnun,
landbúnaðarstefna sem byggði á reynslu og afstöðu til breytinga á GATT samn-
ingunum á síðasta ári og stefna í ferðaþjónustu. Þá væri fjallað um orkumál,
samgöngumál, fjárfestingar opinberra aðila og lífeyrissjóðanna í atvinnulífinu,
og kröfur til opinberra aðila við gerð verkáætlana, útboð og mannaráðningar
verktaka.
Allmiklar umræður urðu um atvinnumálin og til máls tóku: Eiríkur Stefáns-
son, Jóhannes Sigursveinsson, Elínbjörg Magnúsdóttir, Þórunn Sveinbjörnsdótt-
ir, Gunnar Páll Pálsson og Hilmir Helgason.
Fram komu tvær tillögur sem vísað var til þingnefndar; tillaga um andstöðu
við kvótakerfið og tillaga um að hvalveiðar verði hafnar að nýju.
Framsögu við aðra umræðu um atvinnumál flutti Ingibjörg R. Guðmunds-
dóttir. Ingibjörg kynnti þær breytingar sem þingnefndin gerði við tillögur mið-
stjórnar. Sagði hún þær fremur vera orðalagsbreytingar en innihalds.
Þá las Ingibjörg upp tillögu sem atvinnumálanefnd samþykkti einróma um
að þing ASÍ skoraði á Alþingi að hvalveiðar verði hafnar að nýju.
Nokkrar umræður urðu, einkum um fiskveiðistefnu og kröfur um full-
vinnslu. Til máls tóku: Sigurður Guðmundsson, Stella Steinþórsdóttir, Halldór
Grönvold, Hrafnkell A. Jónsson, Elínbjörg Magnúsdóttir, Hilmir Helgason, Jón
Kjartansson, Eiríkur Stefánsson, Albert Ingason, Páll Valdimarsson, Sævar
Gunnarsson, Benoný Benediktsson, Aðalsteinn Baldursson og Njörður Helga-
son.
Fram komu nokkrar tillögur að orðalagsbreytingum auk einnar viðbótartil-
lögu en afgreidd stefna í atvinnumálum er aftar í Þingtíðindum.