Þingtíðindi Alþýðusambands Íslands ... - 20.05.1996, Page 86
avinnulífs og skóla þurfa að vera mikil, veita þyrfti nemendum fræðslu um rétt-
indi og skyldur og skólinn yrði að haga starfsemi sinni eftir þörfum fjölskyldn-
anna.
Brjánn hafði framsögu um framhaldsskólann og háskólastigið. Hann sagði
nefndina hafa bætt inn setningu um fræðslu um réttindi og skyldur á vinnumark-
aði til þess að efla m.a. félagsvitund. Við vaxandi verkaskiptingu milli skóla
væri nauðsynlegt að huga að þeim sem sækja nám fjarri heimabyggð. Breyta
þyrfti reglum Lánasjóðs íslenskra námsmanna, iðnnemar þyrftu að fá fulltrúa í
sjóðsstjómina og aukið svigrúm til þess að halda áfram námi. Loks kynnti
Brjánn örfáar orðalagsbreytingar við kaflann um háskólastigið.
í umræðum undirstrikuðu flestir ræðumenn mikilvægi símenntunar og
starfsmenntunar og hvöttu menn áfram í þeim efnum. Þá fékk flutningur gmnn-
skólans til sveitarfélaganna nokkuð vægi.
Til máls tóku: Elínbjörg Magnúsdóttir, Sigurbjörg Ásgeirsdóttir, Eiríkur
Stefánsson, Þórunn Sveinbjörnsdóttir, Baldur Jónsson, Sveinn Hálfdánarson og
Snorri S. Konráðsson.
Fram kom viðbótartillaga við fæðingarorlofstillögu og tillaga um könnun á
grunnskólum úti á landi og í Reykjavík. Endanlegar samþykktir þingsins í
menntamálum eru aftar í þingtíðindum.
Launamaðurinn, fjölskyldan og vinnumarkaðurinn
Launa- og samningamál
Framsögumaður var Guðmundur B. Olafsson. Guðmundur ræddi launamun á
íslandi og nágrannalöndunum og sagði markmiðið vera að ná sama kaupmáttar-
stigi og þar með því að leggja áherslu m.a. á aukna framleiðni og menntun en
einnig þyrfti að endurskoða fyrirkomulag kjarasamninga og endurskipuleggja
þyrfti samtök atvinnurekenda. Guðmundur lauk máli sínu með þeim orðum að
aukin menntun væri forsenda efnahagslegra framfara.
Launastefnan og kjaramálin vógu þungt í umræðu dagsins og höfðu menn
komandi kjarasamninga í huga og möguleikana á að ná kaupmætti nágranna-
þjóðanna. Einkum voru kjör danskra félaga tekin til samanburðar. Þá var mikið
rætt um stöðu verkalýðshreyfingarinnar í samfélaginu miðað við þær atlögur
sem gerðar væru að henni af hálfu félagsmálaráherra.
Fram komu nokkrar tillögur
sem vísað var til þingnefndar:
Tillaga um að gerð verði könnun m.a. á því hvað laun þurfi að hækka á næstu
30 árum ef kaupmáttur dagvinnulauna á að verða með því besta sem gerist í
heiminum.
84