Þingtíðindi Alþýðusambands Íslands ... - 20.05.1996, Page 97

mörgum þjóðum, en þeim væri ætlað að bæta lífskjör og réttindi í aðildarríkjum
ILO.
Þá nefndi framsögumaður athugasemdir Evrópuráðsins við skipulag og upp-
byggingu á íslenskum vinnumarkaði og aðdróttanir um brot á mannréttindum og
félagafrelsi. Hann sagði nefndina mótmæla túlkun Evrópuráðsins eins og öll
norræna verkalýðshreyfingin, því skilningur Evrópuráðsins byggði á einstakl-
ingsrétti, en reglur og hefðir innan Norðurlandanna og ILO á sameiginlegum
rétti félaga og hópa á vinnumarkaðinum.
Guðmundur sagði að auka þyrfti samstarf samtaka íslensks launafólks í al-
þjóðastarfi. Einnig þyrfti að samhæfa erlend samskipti ASI, landssambandanna
og einstakra félaga eins og hægt væri og auka upplýsingastreymi og samskipti
innan hreyfingarinnar. Fyrsta skrefið gæti orðið nefnd eða starfshópur innan ASI
þar sem allir sem koma að erlendu samstarfi gætu hist.
Þá ræddi hann starf fulltrúa ASÍ í ráðgjafarnefnd EFTA og EES en þar er
hægt að komast beint að stefnumarkandi starfi aðila vinnumarkaðar innan ESB.
Einnig ræddi hann starfið í ráðgjafarstofnun verkalýðssamtaka, TUAC, sem
starfar innan OECD og sagði að ASÍ hefði ekki tekið virkan þátt þar. Á undan-
förnum árum hefði áhersla íslenskra stjórnvalda á ráðgjöf frá OECD hins vegar
aukist og hefði ASÍ þurft að beita sér til þess að hafa áhrif á gang mála og leið-
rétta rangfærslur ráðherra.
Þorbjörn sagði að vegna EES-samningsins skipti aðild ASI að Evrópusam-
bandi verkalýðsfélaga (ETUC) rneira máli en áður en það væri helsti málsvari
evrópskrar verkalýðshreyfingar gagnvart stjórnvöldum í ESB þar sem stór hluti
félagsmálalöggjafar Evrópu væri ákveðinn. Hann benti á að Maastricht-sam-
komulagið tryggði aðilum vinnumarkaðarins betra tækifæri til að hafa áhrif á
þróun félagsmála innan ESB og EES. Nú þegar gerðir hefðu verið samningar
Evrópusamtaka verkalýðsfélaga og atvinnurekenda um foreldraorlof.
Þorbjörn sagði að lokum að næstu ávinningar í kjara- og réttindamálum
byggðust á raunhæfum samanburði á kjörum við hin Norðurlöndin. Góð tengsl
við erlend verkalýðssamtök væru því nauðsynleg, einkum þegar vegið væri að
skipulagi og uppbyggingu á íslenskum vinnumarkaði af þeim alþjóðastofnunum
sem við ættum aðild að.
í umræðum tóku til máls: Hrafnkell A. Jónsson og Ari Skúlason.
Fram kom tillaga um að þingið skoraði á Alþingi að undirbúa aðildarumsókn
að ESB og var henni vísað til nefndar.
Framsögu við aðra umræðu höfðu Guðmundur Omar Guðmundsson og
Gylfi Ingvarsson. Guðmundur gerði grein fyrir breytingatillögum nefndar
þingsins en Gylfi kynnti tillögu meirihluta nefndinnar um áskorun til ríkisstjórn-
ar um að kannaðir verði kostir og gallar aðildar að ESB.
Litlar umræður urðu um málið en til máls tóku: Gylfi Páll Hersir, Hrafnkell
A. Jónsson og Ingibjörg Sigtryggsdóttir.
Samþykkt stefna í erlendum samskiptum er aftar í þessu hefti.
95