Þingtíðindi Alþýðusambands Íslands ... - 20.05.1996, Page 98

s
Alyktanir og samþykktir þingsins
✓
Alyktanir vegna vinnulöggjafarmálsins
Efling vinnudeilusjóða
38. þing Alþýðusambands íslands beinir þeim tilmælum til félaga innan sam-
bandsins að þau finni leið til að efla vinnudeilusjóði sína til að mæta öflugum
samtökum atvinnurekenda.
Alyktun vegna frumvarps um breytingar á vinnulöggjöfinni
Verkalýðshreyfingin ítrekar andstöðu sína við þau frumvörp ríkisstjórnarinnar
um árásir á réttindi launafólks, sem nú eru til umfjöllunar á Alþingi. Sameinuð
íslensk verkalýðshreyfing hefur varað stjórnvöld við þeim yfirgangi sem við-
hafður er til þess að breyta samskiptareglum á vinnumarkaði. Verkalýðshreyf-
ingin hefur einnig öll varað eindregið við þeim breytingum á réttarstöðu verka-
fólks og samtaka þeirra, sem samþykkt frumvarpanna hefði í för með sér.
Ef ríkisstjórnarflokkamir beita meirihluta sínum á Alþingi með þeim hætti,
sem nú er fyrirhugað, og hundsa sjónarmið verkalýðshreyfingarinnar en styðja
sjónarmið atvinnurekenda er ljóst að þeir valda miklu uppnámi í öllum sam-
skiptum aðila á vinnumarkaði. Verkalýðshreyfingin telur að með samþykkt
frumvarpanna muni ríkisstjómin koma í veg fyrir að efnahagsbatinn nýtist til að
efla atvinnulífið, bæta kjörin og tryggja stöðugleika.
38. þing Alþýðusambands Islands skorar því á alþingismenn að stöðva fram-
gang frumvarpa ríkisstjórnarinnar svo ráðrúm gefist til þess að fullreyna hvort
samkomulag náist milli aðila vinnumarkaðarins um samskiptareglur sín á milli.
Forsendur friðarskyldu samningsaðila á vinnumarkaði
38. þing ASI beinir því til aðildarfélaga sambandsins að framvegis verði þess
gætt, að við frágang kjarasamninga, sé tryggt að með gerð kjarasamningsins sé
vinnudeilu þeirri sem kjarasamningnum er ætlað að binda enda á, endanlega
lokið. I þessu felist að aðilar skuldbindi sig til að standa ekki að dómsmálum
hvor á hendur öðrum um deilumál sem upp kunna að hafa komið í þeirri vinnu-
deilu sem ljúka á með undirskrift kjarasamningsins.
96