Þingtíðindi Alþýðusambands Íslands ... - 20.05.1996, Síða 103

skoða á rekstur sambandsins finni leið til þess að skattar til ASÍ fylgi launabreyt-
ingum.
Jöfnun ferða- og dvalarkostnaðar
38. þing ASÍ samþykkir að beina því til miðstjórnar ASÍ að láta skoða mögu-
leika á því að starfsemi sambandsins og stofnana þess skuli skipulögð þannig að
ferða- og dvalarkostnaður fulltrúa/þátttakenda skuli ávallt jafnaður eða hann
greiddur af viðkomandi samböndum eða stofnunum.
Samningamál iðnnema utan landssambanda
38. þing Alþýðusambands íslands hvetur stjórn sambandsins til þess að gera
samstarfssamning við Iðnnemasamband Islands vegna félagsmanna þess sem
standa utan landssambanda ASÍ og eiga þ.a.l. ekki aðild að Alþýðusambandinu.
Samningurinn kveði á um gerð kjarasamninga fyrir þessa iðnnema og önnur þau
hagsmuna- og réttindamál sem þá snerta. Jafnframt verði í samkomulaginu
ákvæði um að formaður Iðnnemasambandsins hverju sinni eigi áheyrnaraðild að
formannafundum ASI með málfrelsi og tillögurétt.
II. Atvinnumálin og framtíðin
II. 1. Atvinnustefnan
A. Eftirsóknarverð störf
Nauðsynlegt er að taka upp nýja hugsun í íslenskum fyrirtækjum. Þróa verður
nýtt form fyrir stjórnun og samstarf í fyrirtækjum og opinberum stofnunum þar
sem mannauðurinn, í formi þeirrar reynslu og þekkingar sem starfsmenn búa
yfir, verði virkjaður í þróun framleiðslunnar, þjónustunnar og vinnuskipulags-
ins. Þetta nýja form verður að byggja á gæðum og góðu vinnuumhverfi.
ASÍ hefur sett fram nýja félagslega stefnu undir yfirskriftinni - Eftirsóknar-
verð störf. Þessi stefna mun leiða til verulegrar útvíkkunar á starfsaðferðum og
starfsvettvangi verkalýðshreyfingarinnar þar sem þátttaka starfsmanna, trúnað-
armanna og verkalýðsfélaga verður óaðskiljanlegur þáttur í þróun atvinnulífs-
ins. Þörf er fyrir heildarsýn á samhengi ólíkra þátta í uppbyggingu atvinnulífs-
ins.
Til þess að þetta geti orðið að veruleika verður að eiga sér stað mikil þróun-
arvinna. ASÍ mun beita sér fyrir þessu á næsta kjörtímabili miðstjórnar. Mark-
miðið er að skapa traustan grundvöll fyrir markvissara starf landssambanda,
svæðasambanda og einstakra aðildarfélaga gagnvart félagsmönnum og fyrir-
tækjum.
ASÍ ætlar að vinna að því að þetta þróunarstarf verði til þess að skapa nýjar
hugmyndir og verkfæri sem félagsmenn geti nýtt sér til þátttöku í þróun og
101