Þingtíðindi Alþýðusambands Íslands ... - 20.05.1996, Page 112
um þannig að þeir geti sérhæft sig í ákveðnum tegundum en verði þó að fá
jafngildi í veiðiheimildum á móti.
• Ef útgerðarmenn selja afla í beinum viðskiptum við vinnslustöðvar án milli-
göngu fiskmarkaða verður að tryggja með óyggjandi hætti samningsrétt sjó-
manna um það fiskverð sem gildir gagnvart skiptum.
ASI telur nauðsynlegt að mótaðar verði nýjar reglur um úthlutun á auknum fisk-
veiðiheimildum sem taki mið af atvinnustefnunni.
• Taka verður tillit til atvinnuþróunar einstakra svæða eða byggðalaga og
möguleikum þeirra í náinni framtíð.
• Hugsanlegt væri að bjóða einhvern hluta slíkra viðbótarheimilda upp á
markaði til þess að gefa nýjum aðilum tækifæri á því að komast inn í grein-
ina.
Sjávarútvegur stendur undir verulegum hluta gjaldeyristekna þjóðarinnar sem
leiðir aftur til þess að ef verulegar sveiflur verða í rekstrarskilyrðum sjávarút-
vegsins munu þær hafa afgerandi áhrif á bæði starfsemi hagkerfisins í heild og
sambúð sjávarútvegs og annarra atvinnugreina.
Því telur ASI óhjákvæmilegt að stjórnvöld beiti virkum sveiflujöfnunaraðgerð-
um til þess að draga úr skaðsemi slíkra sveiflna. ASI er jafnframt þeirrar skoð-
unar að reynsla undanfarinna áratuga sýni að skynsamlegra sé að beita sértæk-
um sveiflujöfnunaraðgerðum frekar en almennum aðgerðum með breytingum á
ríkisfjármálum, peningamálum eða gengisstefnunni.
• Mikilvægt er að móta frekari skilyrði fyrir því hvenær grípa eigi til virkrar
sveiflujöfnunar. I því sambandi verður að horfa til núverandi afkomu sjávar-
útvegs í heild og mismunandi afkomu einstakra greina, skulda- og eiginfjár-
stöðu sjávarútvegs, nauðsynlegrar uppbyggingar og endurnýjunar, aukins at-
vinnuöryggis launafólks í sjávarútvegi til jafns á við aðrar stéttir o.fl.
• Jafnframt er nauðsynlegt að stilla upp kostum og göllum þeirra sértæku
sveiflujöfnunarleiða sem hægt er að beita í sjávarútvegi til þess að undirbúa
frekari stefnumörkun og ákvarðanatöku. M.a. verður að líta til þeirrar
reynslu sem fengist hefur á undanförnum árum.
M. Landbúnaðar- og úrvinnslustefna
Islendingar eru í hópi þeirra þjóða innan OECD (Efnahags- og framfarastofnun-
arinnar) sem styðja sína landbúnaðarframleiðslu mest en þrátt fyrir það er verð
á landbúnaðarafurðum hér mjög hátt. Því er nauðsynlegt að gera verulegt átak
til hagræðingar og lækkunar á kostnaði við framleiðslu íslenskra landbúnaðar-
afurða.
ASI vill stefna að því að íslenskt launafólk eigi kost á því að greiða svipað
verð fyrir landbúnaðarafurðir og í helstu nágrannalöndum.
ASI telur nauðsynlegt að fulltrúar bænda, afurðastöðva, launafólks, atvinnu-
rekenda og ríkisins vinni saman að því að finna leiðir til skipulagsbreytinga og
hagræðingar í landbúnaði. Markmið slíks starfs er að bæta samkeppnishæfni ís-
110