Þingtíðindi Alþýðusambands Íslands ... - 20.05.1996, Page 113

lensks landbúnaðar gagnvart innflutningi þannig að störf í landbúnaði og iðnaði
sem byggir á íslensku landbúnaðarhráefni verði tryggð. ASI telur íslenska mat-
vælaframleiðslu eina af hornsteinum íslensks atvinnulífs og mikilvæga fyrir af-
komu þjóðarinnar.
ASÍ telur að tryggja verði einstaka greinum landbúnaðar og úrvinnsluiðnað-
ar nauðsynlegt svigrúm til þess að þær geti aðlagað sig að vaxandi samkeppni
við innfluttar afurðir. Ljóst er að slíkur aðlögunartími þarf að vera misjafnlega
langur í einstaka greinum. Mikilvægt skref í slíkri aðlögun er að gerðar verði
beytingar á útfærslu stjórnvalda á GATT samningnum, þannig að innflutningur
geti skapað raunverulegt aðhald og samkeppni í verðþróun íslenskra landbúnað-
arafurða.
N. Ferðaþjónusta
Viðurkenna verður ferðaþjónustu sem mikilvæga útflutningsgrein sem skapar
verulegan hluta gjaldeyristekna okkar.
Óspillt náttúra íslands er helsta söluvara ferðaþjónustunnar. Því er brýnt að
ráðist verði í nauðsynlegar úrbætur á vinsælustu ferðamannastöðunum og að
hlutverk ríkis og sveitarfélaga verði afmarkað og skilgreint. Jafnframt verður að
bæta umgengnina um náttúru landsins þannig að óþrifnaður og mengun blasi
ekki við.
Samræma verður markaðssetningu aðila í ferðaþjónustu bæði með tilliti til
almennra ferðamanna og funda- og ráðstefnuhalds. ASI telur að gera eigi mark-
visst landkynningarátak sem ríki og sveitarfélög taki virkan þátt í að fjármagna.
Hátt verðlag á matvælum og bílaleigubílum skerðir verulega samkeppnis-
stöðu ferðaþjónustunnar. Leita verður allra leiða til þess að draga úr þessum
kostnaði.
Koma verður í veg fyrir svarta atvinnustarfsemi í ferðaþjónustu, svo sem í
veitingastarfsemi.
Leggja verður aukna áherslu á kynningu og markaðssetningu á ferðamögu-
leikum og ferðatilboðum fyrir íslendinga innanlands, m.a. með því að auka
framboð á spennandi valkostum.
Hvalveiðar
38. þing ASÍ skorar á Alþingi íslendinga að tryggja að hvalveiðar geti hafist við
Islandsstrendur nú þegar.
II. 2 Þekking og menntun - lykillinn að framförum
A. Menntamál, almennt
I framtíðinni munu þekking og menntun, einkum verk- og tæknimenntun, skipta
sífellt meira máli fyrir samfélagið og viðgang þess. Þróun í tækni og skipulagn-
111