Þingtíðindi Alþýðusambands Íslands ... - 20.05.1996, Side 126

III. Launamaðurinn,
fjölskyldan og vinnumarkaðurinn
III. 1. Stefna og starfsáœtlun í launa- og samningamálum
Á undanförnum árum hefur sérhyggja og ójöfnuður farið vaxandi hér á landi.
Stjórnvöld og samtök launafólks hafa sameinast um að skapa fyrirtækjum og at-
vinnulífi skilyrði til þess að brjótast út úr vítahring verðbólgu og stöðnunar.
Efnahagsþróun síðustu ára hefur hinsvegar leikið heimilin í landinu grátt eins og
ráða má af þeirri staðreynd að skuldir þeirra hafa sexfaldast á nokkrum árum.
Afleiðingarnar koma meðal annars fram í því að fjöldi fólks hefur flutt úr landi
vegna bágra kjara og óréttlátrar tekjuskiptingar. Nú er svo komið að verkalýðs-
hreyfingin gerir kröfu til þess að höfuðmarkmiðið verði að rétta hlut almenns
launafólks og alþýðuheimilanna í landinu. Það verður að gera með beinum
hækkunum á launatöxtum.
Markmið verkalýðshreyfingarinnar er að tryggja launafólki og allri alþýðu
örugga afkomu og vaxandi lífsgæði á grundvelli réttlátrar tekjuskiptingar, jafn-
réttis og samstöðu.
Stefna ASI er að launafólk búi við sambærileg kjör hér á landi og gerist
meðal nágrannalandanna. Verkalýðshreyfingin stefni að því að setja fram kröf-
ur um kaup og kjör sem miði að þessu. I viðræðum við stjórnvöld og atvinnu-
rekendur verði rætt um leiðir að þessu marki.
• ASI telur að með skipulagsbreytingum í uppbyggingu atvinnulífsins megi
skapa mikið svigrúm til bættra kjara án þess að það hafi áhrif á verðlagið.
• ASI leggur megináherslu á heilsteypta atvinnustefnu þar sem rækt er lögð
við aukna verðmætasköpun með meiri menntun og starfsþjálfun.
• ASI telur hækkun grunnlauna vera megin forsendu fyrir styttingu vinnutíma
sem stefna beri að og krefst þess að dagvinnulaun nægi til framfærslu.
• ASI telur að efnahagsstefnan eigi að taka mið af því að tryggja stöðugan og
öruggan hagvöxt, stöðugt gengi og lága verðbólgu.
• Það er stefna ASI að endurskoða eigi verkaskiptingu í samningamálum inn-
an verkalýðshreyfingarinnar í því skyni að ná fram meiri kjarabótum og betri
árangri með nánara samstarfi launafólks og atvinnurekenda. Alþýðusam-
bandið telur æskilegt að sambærilegar breytingar verði á skipulagi samn-
ingamála hjá samtökum atvinnurekenda.
• ASÍ telur mikilvægt að samningsaðilar á vinnumarkaði geri með sér ramma-
samning um skipulagsreglur með það að meginmarkmiði að skapa formlegt
og raunhæft svigrúm til sérkjaraviðræðna og vinnustaðasamninga. Með slík-
um samskiptareglum verður að tryggja að sérgreinasamtök atvinnurekenda
og einstök fyrirtæki, svo og landssambönd og einstök verkalýðsfélög, ásamt
starfsmönnum og trúnaðarmönnum, fái aðkomu að gerð kjarasamnings á
sínu sviði.
124