Þingtíðindi Alþýðusambands Íslands ... - 20.05.1996, Side 130

• Nauðsynlegt er að bætt starfsöryggi verði tryggt með samningum aðila á
vinnumarkaði og löggjöf eftir því sem við á. Þá er nauðsynlegt að fsland
staðfesti nú þegar samþykkt Alþjóðavinnumálastofnunarinnar nr. 158 um
uppsögn starfs af hálfu atvinnurekanda.
• Réttarstaða launafólks sem lendir í veikindum eða slysum er á margan hátt
ófullkomin. Þetta gildir alveg sérstaklega þegar um er að ræða langvarandi
fráveru frá starfi, kostnaðarsöm lyf og aðgerðir og varanlegt orkutap.
• Verkalýðshreyfingin gerir kröfur til þess að launfólk búi við víðtæka og
ríka efnalega vernd í veikinda- og slysatilfellum: Auka verður til muna
lágmarksréttindi í veikinda og slysatilfellum. Bæta verður stórlega rétt
launafólks sem verður fyrir vinnuslysum og atvinnusjúkdómum. Tryggja
verður betur réttindi launafólks sem verður fyrir tímabundinni eða varan-
legri örorku. Nauðsynlegt er að endurskoða og auka gildissvið skyldu-
tryggingar atvinnurekenda og hækka verulega bótaupphæðir.
• Mikilvægur liður í að treysta réttarstöðu launafólks felst í því að samræma
betur en nú er þátttöku á vinnumarkaði og rétt til fjölskyldulífs. Mikilvægir
þættir í slíkri samræmingu eru: Að lengja fæðingarorlof og hækka greiðslur
til foreldra í fæðingarorlofi. Þá er nauðsynlegt að treysta réttarstöðu og
skyldur karla í því efni. Staðfesta ber kjarasamning aðila vinnumarkaðarins
í Evrópu um foreldraorlof að viðbættu fæðingarorlofi og tryggja ótvíræðan
rétt foreldra til töku orlofsins og greiðslu dagpeninga meðan á orlofstökunni
stendur.
• Tryggja ber rétt launafólks til lágmarksorlofs til endur- og eftirmenntunar.
Jafnframt er nauðsynlegt að gera launafólki fjárhagslega mögulegt að taka
slíkt orlof. Þetta gildir sérstaklega um launafólk sem hefur notið takmark-
aðrar menntunar.
• Tryggja verður með ótvíræðum hætti réttarstöðu félagslegra trúnaðarmanna,
öryggistrúnaðarmanna og stjómarmanna í stéttarfélögum gagnvart atvinnu-
rekendum, þannig að þeir geti betur sinnt starfi sínu án ótta við uppsögn eða
refsiaðgerðir af hálfu atvinnurekenda. Þá er nauðsynlegt að auka svigrúm
trúnaðarmanna til að afla sér þekkingar og menntunar sem nýst getur í starfi
þeirra fyrir launafólk á vinnustað við lausn ágreiningsmála og samninga-
gerð. Þekking og menntun af þessu tagi nýtist fyrirtækjunum ekki síður en
starfsmönnum.
III. 3. Velferðar- og skattamál
ASI telur að endurmeta verði og skýra þau samfélagslegu markmið sem liggja
að baki allri skattlagningu hins opinbera og þeirri þjónustu sem það veitir. Fjár-
magna á velferðarkerfið með skattheimtu sem byggir á þeirri hugsun að menn
greiði eftir efnum en fái grunnþjónustu eftir þörfum. Ljóst er að öll starfsemi
hins opinbera hefur töluverð áhrif á tekjuskiptinguna í þjóðfélaginu, hvort sem
litið er til skattheimtu, tekjutilfærslna eða þeirrar þjónustu sem veitt er.
128