Þingtíðindi Alþýðusambands Íslands ... - 20.05.1996, Side 145

einstaklinga á vinnumarkaði. Úrvinnsla úr flæði upplýsinga og tækifærin til að
koma upplýsingum á framfæri eru líka nauðsynlegar forsendur fyrir virkni lýð-
ræðisins og möguleikum fólks til áhrifa.
Mikilvægt er að fólk á vinnumarkaði fái tækifæri til símenntunar og hafi
þannig möguleika á að fylgjast með þróuninni í síbreytilegum heimi. Símenntun
skilar hæfari og verðmætari starfskröftum og ánægðari einstaklingum.
Símenntun þarf einnig að undirbúa launafólk undir starfslok sökum aldurs.
Margir þeirra sem ljúka starfsævi sinni láta ekki aðeins af störfum heldur hverf-
ur félagsskapurinn líka sem vinnufélagar þeirra mynduðu. Vinnan hverfur og fé-
lagarnir hverfa. Líf í fásinni tekur við. Við þessum nýju aðstæðum má bregðast
með símenntun og tómstundanámi sem miðar að því að kenna fólki að eiga sér
áhugamál og frístundaiðju og örva það til þátttöku í hópi nýrra félaga sem leita
sér félagsskapar að lokinni starfsævi.
Verkalýðshreyfingarinnar bíður mikið starf við uppfræðslu sinna félags-
manna, stjóma og trúnaðarmanna þannig að allir þessir aðilar verði betur í stakk
búnir til að takast á við verkefni framtíðarinnar. Aðgangur að upplýsingum og
framsetning þeirra skiptir sífellt meira máli í kjara- og réttindabaráttu verkafólks,
ekki síst ef þróunin verður í átt til meira atvinnulýðræðis þar sem fulltrúar starfs-
manna og verkalýðsfélaga eiga rétt á upplýsingum um stöðu og stefnu fyrirtækja
og aukinn aðgang að ákvarðanatöku grundvallaðri á þeim.
Til að auðvelda fólki sem lokið hefur skólagöngu að tileinka sér nýjustu upp-
lýsingatækni og leita sér upplýsinga eða menningarefnis þarf að efla starfsemi al-
menningsbókasafna þar sem lögð er áhersla á aðgang að rafrænni upplýsinga-
miðlun. Með kynningarátaki í fjölmiðlum má einnig laða fleiri til að kynnast af
eigin raun þessum sívaxandi þætti í menningu nútímans.
í þessu starfi má þó aldrei missa sjónar á því að enn sem komið er þegnskap-
ur í hinu svokallaða upplýsingaþjóðfélagi bundinn við tiltölulega afmarkaða
hópa og byggir að mestu á afþreyingu. Stærstur hluti fólks upplifir ekki þessa
byltingu og þeir sérfræðingar sem mesta áherslu leggja á „upplýsingasamfélag-
ið“ mega ekki gleyma öðrum og hefðbundnari upplýsingamiðlum því annars er
hluti fólks skilinn útundan.
Alþýðusamband íslands vill vinna að nýrri menningarstefnu með því að
leggja áherslu á :
• Að kjarninn í nýrri menningarstefnu sé hin tvíþætta áhersla á dreifræði og
jöfnuð.
• Stuðning við það gróskumikla menningarlíf sem fyrir er - alla þá einstaklinga
og félagasamtök sem sinna menningarmálum samhliða því sem menningar-
starfsemi eru sköpuð lífvænleg rekstrarskilyrði.
• Markvissa vinnu við að gefa öllum kost á að tileinka sér á gagnrýninn og upp-
byggilegan hátt einn mikilvægasta þáttinn í menningu nútímans: Úrvinnslu
og framsetningu upplýsinga í margvíslegu formi.
143