Þingtíðindi Alþýðusambands Íslands ... - 20.05.1996, Síða 150

• ASÍ styður heils hugar þá viðleitni að félagsleg ákvæði um lágmarksréttindi
verði sett inn í viðskiptasamninga.
• ASÍ krefst þess af íslenskum stjórnvöldum að þau staðfesti allar helstu sam-
þykktir Alþjóðavinnumálastofnunarinnar (ILO).
• ASÍ telur mjög mikilvægt að áframhald verði á starfi samtakanna innan ILO
og að þau haldi uppi áróðri fyrir því gagnvart íslenskum stjómvöldum að
fleiri samþykktir samtakanna verði staðfestar hér á landi og að þær verði
meira í heiðri hafðar.
• ASÍ krefst þess að íslensk stjórnvöld taki undir afstöðu samtaka launafólks
varðandi réttindi og skipulag á vinnumarkaði gagnvart Evrópuráðinu.
• Mikilvægt er að öflugt starf ASI að Evrópumálum haldi áfram og verði eflt
eftir fremsta megni og að reynt verði að styrkja samstarf við önnur íslensk
samtök á þessu sviði.
• ASÍ telur rétt að þær reglur sem við erum skuldbundin til þess að taka upp
skv. EES-samningnum verði settar í gildi með kjarasamningum þar sem það
á við.
• Samstarf norrænu verkalýðshreyfingarinnar (NFS) er þungamiðjan í sam-
skiptum ASÍ við alþjóðlega verkalýðshreyfingu. ASÍ telur mikilvægt að
koma sjónarmiðum norrænnar verkalýðshreyfingar sameiginlega á framfæri
á alþjóðavettvangi.
• Þátttaka verkalýðshreyfingarinnar í ráðgjafarnefndum EFTA og EES er
mikilvæg til þess að tryggja að tekið sé tillit til félagslegra sjónarmiða og
hagsmuna launafólks í samstarf innan EFTA og EES.
• ASÍ telur mjög mikilvægt að íslensk verkalýðshreyfing komi að þeim samn-
ingum sem gerðir eru milli Evrópusamtaka vinnumarkaðarins og skipta máli
fyrir íslenskt launafólk.
• ASÍ telur nauðsynlegt að fylgjast grannt með starfi innan Efnahags- og fram-
farastofnunarinnar (OECD) og ráðgjafamefndar verkalýðssamtaka innan
OECD (TUAC) á næstu árum.
• ASÍ telur mjög mikilvægt að fylgjast grannt með því sem vel er gert í ná-
grannalöndunum til þess að læra af því og nota í baráttu okkar.
• ASÍ leggur áherslu á að erlend samskipti sambandsins, landssambandanna
og einstakra félaga verði samhæfð eins vel og hægt er og að upplýsinga-
streymi og samskipti innan hreyfingarinnar á þessu sviði verði aukin.
Staða Islands í umheiminum
Þegar samningurinn um EES tók gildi voru fimm EFTA-ríki aðilar að samn-
ingnum. Síðan hafa þrjú þessara ríkja gengið í Evrópusambandið (ESB), en
Liechtenstein komið inn í EES. EES-samstarfið með 15 ríkjum ESB og þremur
EFTA-ríkjum, einu stóru og tveimur mjög litlum, hefur því breyst mjög mikið.
Engu að síður gilda ákvæði samningsins áfram varðandi viðskipti og félagslega
samvinnu. Það er orðið mun brýnna fyrir Islendinga en áður að vinna ötullega
148