Þingtíðindi Alþýðusambands Íslands ... - 20.05.1996, Page 153

og að vinnandi fólk hafi sem mestan ávinning af því samstarfi sem við tökum
þátt í.
Eftir að ísland gerðist aðili að EES og tók þar með að miklum hluta upp
sömu reglur og nágrannaríkin á ýmsum sviðum félags- og vinnumarkaðsmála
hefur nauðsyn þessarar samvinnu aukist mikið. Það skiptir miklu máli fyrir ís-
lenska verkalýðshreyfingu að fylgjast með þróun þessara mála í Evrópu, að vera
á verði gagnvart óhagstæðum breytingum og að reyna að hafa áhrif þar sem það
á við. Sem langstærstu samtök launamanna á íslandi hlýtur ASI að vera leiðandi
afl í þessu starfi. Mikilvægt er að þetta starf haldi áfram og verði eflt eftir
fremsta megni og að reynt verði að styrkja samstarf við önnur íslensk samtök á
þessu sviði.
ASÍ telur mikilvægt að þær reglur sem við erum skuldbundin til þess að taka
upp skv. EES-samningnum verði settar í gildi með kjarasamningum þar sem það
á við.
Samstarf norrænu verkalýðshreyfingarinnar (NFS) hlýtur að vera þunga-
miðja samskipta ASÍ við alþjóðlega verkalýðshreyfingu. Með norrænni sam-
hæfingu eigum við mesta möguleika á að sjónarmið okkar nái fram innan
evrópskrar og alþjóðlegrar verkalýðshreyfingar. Starf NFS beinist líka að
norrænu samstarfi stjórnvalda innan Norðurlandaráðs og norrænu ráðherra-
nefndarinnar. ASÍ telur mikilvægt að koma sjónarmiðum verkalýðshreyfingar-
innar sameiginlega fram á þessum vettvangi.
ASÍ hefur tekið virkan þátt í starfi ráðgjafarnefndar EFTA og þannig átt þátt
í því að gæta hagsmuna launafólks og að koma sjónarmiðum verkalýðshreyfing-
arinnar að innan EFTA-samstarfsins. Eftir að EES-samningurinn tók gildi hefur
ASÍ einnig tekið þátt í starfi ráðgjafarnefndar EES í sama tilgangi. Með starfi í
þessum nefndum er hægt að komast beint að starfi aðila vinnumarkaðar í ESB
innan Efnahags- og félagsmálanefndar ESB. Það er mikilvægt til þess að tryggja
að tekið sé tillit til félagslegra sjónarmiða og hagsmuna launafólks í samstarf
innan EFTA og EES.
Eftir að EES-samningurinn tók gildi skiptir aðild ASÍ að Evrópusambandi
verkalýðsfélaga (ETUC) meira máli en áður var. ASÍ er eitt af 17 stofnsamtök-
um ETUC en nú eru í samtökunum 49 verkalýðssamtök í 28 löndum Evrópu.
ETUC er helsti málsvari evrópskrar verkalýðshreyfingar gagnvart stjórnvöldum
í ESB en þar er stór hluti félagsmálalöggjafar Evrópu ákveðinn. Það er mikil-
vægt til þess að tryggja að tekið sé tillit til félagslegra sjónarmiða og hagsmuna
launafólks í samstarfi innan EFTA og EES.
Með Maastricht-samkomulaginu innan ESB jukust möguleikar aðila vinnu-
markaðarins til þess að hafa áhrif á þróun félagsmála innan ESB og EES mikið.
Nú þegar hafa verið gerðir samningar Evrópusamtaka verkalýðsfélaga og at-
vinnurekenda um foreldraorlof. ASÍ tók virkan þátt í því starfi. ASÍ telur mjög
mikilvægt að íslensk verkalýðshreyfing komi að þeim samningum sem gerðir
eru á Evrópuvettvangi og skipta máli fyrir íslenskt launafólk.
151