Ský - 01.12.2001, Blaðsíða 19

FYRST K. FREMST = RNGRN RSTRR
HVERNIG VELJA SKAL ILMVATN FYRIR KONU
» Nokkur hnitmiöuö ráö
Þaö er ekki einfalt verkefni aö veija ilmvatn handa konu. Fyrir það fyrsta er úrvalið nán-
ast yfirþyrmandi og í öðru lagi er það sérstök kúnst að finna út hvaða ilmur hæfir - eða
klæðir - hverri og einni konu. Ekki láta þér detta í hug eitt augnablik að falleg, glæsilega
innpökkuð ilmvatnsflaska sé allt sem til þarf.
Að láta konu og ilmvatn passa saman krefst töluverðrar útsjónarsemi, jafnvel leynilög-
reglustarfa. Áður en haldið er af stað í snyrtivöruverslunina er sniðugur leikur að rannsaka
svo lítið ber á baðskápinn eða snyrtiborðið hennar, ef á annað borð eru tök á því; það er
ef konan sem á að fá ilmvatnið er það nátengd þér að þú þurfir ekki að brjótast inn á heim-
ili hennar. Skráðu niður nöfnin á ilmvatnsglösunum sem minnst er í og einnig á hinum sem
eru nánast full. Þetta tvennt gefur góða vísbendingu um hvað konunni líkar og hvað henni
líkar ekki. Farðu því næst með listann í snyrtivöruverslun. Auðveldasta leiðin er að kaupa
áfyllingu af uppáhaldsilmvatninu hennar. En auðveldustu lausnirnar vekja einhvern veginn
aldrei jafnmikla lukku og þær frumlegu og óvæntu. Með listann að vopni, ásamt upplýs-
ingum um aldur, hárlit, húðgerð og áhugamál konunnar, er hægt að velja með aðstoð sér-
þjálfaðs afgreiðslufólksins ilmvatn sem miklir möguleikar eru á að falli konunni í geð og
afli þér að auki priks fyrir sérstaka smekkvísi.
Ef aðgangur þinn að baðherbergi konunnar er hins vegar með þeim hætti að þú getur
með engu móti komist í tæri við þau ilmvötn sem hún á í fórum sínum - og gjöfin á ef tii
vill einmitt að vera til þess fallin að afla þér slíks aðgangs - þá eru hér fáein ráð:
Ef hún á fleiri pör af skóm en potta
og pönnur og vill frekar borða úti
en næra þig með heimagerðum mat, skaltu
slá um þig með þekkingu þinni á tísku-
heiminum og færa henni svalan ilm sem
heitustu tískuhönnuðurnir hafa sent frá
sér: til dæmis Armani White, Jil Sander
Sensation, Jean Paul Gaultier Fragile eða
Dolce & Gabbana Light Blue.
Ef hún er þessi heilbrigða týpa sem
er alltaf í sundi, spinning eða úti að
skokka skaltu leita að fersku ilmvatni
sem hefur orðið eau í nafninu eða einhverju
með sítrónuilmi: til dæmis Calvin Klein
Truth, Ralph frá Ralph Lauren, Coco
Mademoiselle frá Chanel eða Thierry
MuglerAngel Innocent.
Fyrir þær íhaldssömu, eða segjum
frekar þær sem eru fyrir hið klassíska,
er tilvalið að kaupa til dæmis Chanel No.
5, Shalimar frá Guerlain, Elizabeth Arden
Red Door, eða Romance frá Ralph Lauren.
Svo er auðvitað alltaf sá einfaldi möguleiki
fyrir hendi að lykta af ilmvatninu sjálfur og
athuga hvort það minnir þig á hana.