Ský - 01.08.2004, Qupperneq 6

Gefið út annan hvern mánuð fyrir farþega
Flugfélags íslands og aðra íslendinga.
ANNA KRISTINE HEFUR ORÐIÐ...
SKÝ
6
...fyrir uppljómun. Hún hitti mann sem vakti hana
til vitundar um hina stöðugu leit að lífshamingju.
"Ef eitthvað vantar í líf þitt, ert það sennilega
þú..." Þetta ertitill á bóksem Guðni Gunnarsson
lífsráðunautur í Los Angeles vinnur að. Guðni var
fyrsti einkaþjálfari íslands og hann er maðurinn
sem stjörnurnar í Hollywood, forstjórar
stórfyrirtækja og almenningur leitar til. I viðtali
við Guðna hér í blaðinu segir hann að við séum
öll að leita að því sama: Okkur sjálfum.
í öðrum greinum þessa blaðs má líka lesa um
marga sem virðast týndir. Madonna virðist vera
að leita að sjálfri sér. Hún hefur afsalað sér
kaþólskri trú sinni og aðhyllst kabbalah-trúarbrögð Gamla testamentisins. Fleiri auðugar
stórstjörnur gera slíkt hið sama. Söngstjarnan Britney Spears er hætt að vera baptisti og
hyggst ganga þvert gegn uppeldi sínu og giftast að hefð kabbalah. En út á hvað gengur
kabbalah og hvers vegna ganga liðsmenn hennar með rautt band um úlnliðinn? Við kynn-
umst hugmyndafræði kabbalah í blaðinu ...
íslenskir stjórnmálamenn eiga það á hættu að týna sjálfum sér þegar þeir komast! ráðherra-
sæti. Þá fá þeir aðstoðarmenn og hærra kaup og finnst erfitt þegar þeir breytast aftur í
óbreytta þingmenn. íslenskir stjórnmálamenn líta á ráðherradóm sem æðstu verðlaun
íslenskra stjórnmála, en það mun ekki eins algengt á Norðurlöndunum, eftir því sem
dr.Gunnar Helgi Kristinsson prófessor í stjórnmálafræðum segir. Hann, ásamt formönnum
samtaka ungra sjálfstæðismanna og félagi framsóknarmanna, spáir í spilin um verðandi
ríkisstjórn.
Edda Heiðrún Backman leikkona er hins vegar ekki týnd. Hún hefur fundið sig á nýjum
vettvangi þar sem hún þreytir frumraun sína sem leikstjóri í leikritinu "Svik". Verkið fjallar um
ástina, heiðarleikann og óheiðarleikann og leikstjórinn spyr í lok viðtalsins: „Hvern erum við
að svíkja með svona framkomu? Okkur sjálf."
Við virðumst flest vera týnd á einhvern hátt. Er ekki sorglegt að við skulum hlaupa fram úr
okkur sjálfum í leit að meiri peningum, meiri hamingju og meiri lífsgæðum, þegar við þurfum
í raun ekki að gera annað en að horfast í augu við okkur sjálf og okkar innri mann? Sættast
við okkur sjálf og fyrirgefa okkur sjálfum. Hamingjan býr hvergi nema innra með okkur.
Æðruleysið er það sem getur gert okkur hamingjusöm, en eftir því sem Guðni Gunnarsson
segir hér í blaðinu er æðruleysi aldrei meðfætt. Það þarf að vinna að því að öðlast hugarró
og æðruleysi.
Lykillinn að hugarró er örugglega sá að hafa vilja og getu til að fyrirgefa sjálfum sér. Guðni
Gunnarsson sagði við mig orð sem hafa sest að í huga mér. Mig langar að deila þeim með
ykkurtil umhugsunar:
„Sálirnar eru saklausar en ekki persónan og hegðun hennar.Viðhorfið verður að egóinu og
það er skilyrt. Sálin er saklaust Ijós. Ef við getum horft framhjá hegðun og sjáum bara sálina
getum við auðveldlega fyrirgefið."
cármo/ 'Kri&tine-
Útgefandi:
Heimur hf.
Ritstjóri og ábyrgðarmaður:
Anna Kristine Magnúsdóttir
Útlitshönnun:
Helga Guðný Ásgeirsdóttir
Ljósmyndir:
Páll Stefánsson
Stöð 2
& úr einkasöfnum
Pennar:
Auður Haralds
Erna Margrét
Kristján Jónsson
Lízella
Magnús R. Einarsson
Róbert Traustason
Sesselja Bjarnadóttir
Sif Arnarsdóttir
Vilmundur Hansen
Auglýsingastjóri:
Vilhjálmur Kjartansson
Framleiðslustjórn:
Helga Guðný Ásgeirsdóttir
Prentun:
Oddi hf.
Rítstjórn og auglýsingar: Borgartúni 23, 105 Reykjavík, s. 512 7575.
Dreifing: Heimur hf. s. 512 7575 netfang ritstjóra: annakm@heimur.is