Ský - 01.09.2005, Qupperneq 60

Kynning
"Viðskiptavinir vilja Ifka vera með
sitt á hreinu varðandi tryggingar
heimilisins," segir Jón Birgir
Guðmundsson, útibússtjóri Sjóvár
á Akureyri.
Texti: Sigurður Bogi Sævarsson Myncl’ Geir Ólafsson
„í dag leggur fólk meiri áherslu en áður á að hafa allar sínar
persónutryggingar í lagi, sem er mikilvægt þegar til dæmis
sjúkdóma eða skyndilegt fráfall ber að höndum. Þess utan
finnum við að viðskiptavinir vilja líka vera með sitt á hreinu
varðandi tryggingar heimilisins, bílsins, fartölvunnar og
annars slíks. Sjóvá býður upp á fjölda mismunandi valkosta í
einstaklingstryggingum til að mæta þörfum viðskiptavina sinna,
sem auðvitað eru misjafnar eins og fólkið er margt," segir Jón
Birgir Guðmundsson, nýr útibússtjóri Sjóvár á Akureyri.
Þekkja markaðinn vel
Sjóvá á sér langa sögu á Akureyri og hefur þar traustan og
sístækkandi hóp ánægðra viðskiptavina. „Starfsfólk okkar hér,
hefur áratuga starfsreynslu að baki, þekkir markaðinn vel og
veit hverjar þarfirviðskiptavinaokkará Norðurlandi eru," segir
Jón Birgir sem tók í sumar við starfi útibússtjóra af Þórarni B.
Jónssyni, sem starfað hafði við tryggingamál í meira en fjóra
áratugi. Útibússtjórinn nýi er viðskiptafræðingur að mennt og
starfaði sem ráðgjafi og framkvæmdastjóri um nokkurra ára
skeið hjá IMG Gallup. Frá 2002 og fram á mitt þetta ár var hann
verkefnisstjóri við stjórnsýslu Akureyrarbæjar og þá jafnframt
aðstoðarmaður Kristjáns Þórs Júlíussonar bæjarstjóra.
„Mér þótti afar gaman að starfa hjá bænum og taka þátt í
þeirri miklu uppbyggingu sem átt hefur sér stað á Akureyri
síðustu árin. íbúum hefur fjölgað og bærinn verið að styrkjast
í sessi sem verslunar- og þjónustustaður. Umsvifin hafa
hvarvetnaaukistogþessséreinnigstaðátryggingamarkaðnum.
Markaðurinn hefur klárlega stækkað jafnframt því sem
stjórnendur fyrirtækja verða sér sífellt betur meðvitaðir um að
hafa tryggingamál sín í fullkomnu lagi. Því bíður Sjóvá í dag upp
á um það bil 100 mismunandi valkosti í fyrirtækjatryggingum
sem gera okkur kleift að fella lausnirnar að þörfum hvers og
eins. Viðskiptavinum kemur líka oft á óvart þegar óhöpp eða
slys ber að höndum hve þjónusta okkar er víðtæk. Við gerum
allt til að lágmarka og bæta skaðann og höfum til þess mikinn
metnað. Inntak einstaklingstrygginga er meðal annars að
aðstoða fólk við að geta sem fyrst komist aftur inn í sitt eðlilega
lífsmynstur."
Akureyri og Sjóvá í sókn
Jón Birgir Guðmundsson er fæddur Borgnesingur,
Ólafsfirðingur í báðar ættir, en á ættboga sinn meðal annars á
Akureyri, þangað sem hann fór til framhaldsskólanáms sextán
ára gamall, árið 1986. „Konan mín, Þórunn Guðlaugsdóttir, er
að norðan og hér vildum við bæði búa. Hingað fluttum við
aftur árið 1998 meðal annars eftir að hafa stundað nám erlendis.
Okkur líkar ákaflega vel hérna, enda hefur staðurinn marga
kosti sem æ fleiri hafa vitund fyrir. Besti vitnisburðurinn um
það er ef til vill að á síðustu sjö árum hefur bæjarbúum fjölgað
um 1700 manns og ekkert bendir til annars en sú þróun haldi
áfram. Akureyri er í sókn - án nokkurs vafa og það er Sjóva
einnig.'' @3
ský 60