Ský - 01.12.2013, Qupperneq 26

Leynd verður ekki létt
af síðustu skjölunum
fyrr en árið 2017.
Jack Ruby, eigandi næturklúbbs og morðingi Oswalds. Fór hann í gröfina árið 1967 með mikilvægar
upplýsingar?
KÚBUDEILAN í BAKGRUNNI
Morðið á Kennedy hefur einnig verið
tengt Kúbudeilunni á ýmsa vegu. Fyrst að
Nikíta Khrústsjov hafi heitið hefndum
eftir að Kennedy hrakti hann frá Kúbu
með eldflaugar sínar. Þessi kenning styðst
við þá staðreynd að Oswald bjó um tíma í
Sovétríkjunum og hann var skömmu fyrir
morðið í sendiráði Kúbu í Mexíkó. En það
hefði verið ákaflega heimskulegt fyrir
Sovétmenn að ráða einmitt Oswald til
verksins því CIA vissi allt um tengsl hans
og veru í austurvegi.
Þetta útilokar þó ekki að stórveldapólitík
hafi verið orsök morðsins. Oswald var
hrifinn af valdatöku kommúnista á Kúbu
og Sovétmegin þegar kom að deilum um
Kalda stríðið. Hann hafði lent í útistöðum
við fólk einmitt vegna ákafs stuðnings við
Fidel Castro. Oswald hafði ímugust á
stjórnvöldum lands síns.
Því má ekki útiloka að Oswald hafi verið
einn um morðið vegna aðdáunar sinnar á
byltingunni á Kúbu og Castro. Hugsanlega
hafi hann átt sér vitorðsmenn en þeir ekki
að fullu gert sér grein fyrir hvað stóð til.
Einnig er til sú kenning til að landflótta
áhrifamenn frá Kúbu hafi hugsað Kennedy
þegjandi þörfma fýrir að láta Castro kom-
ast til valda. Þetta passar þó illa því
Oswald var síst af öllu í vinfengi við land-
flótta Kúbverja.
GRUNUR BEINIST AÐ CIA
Það eru kenningarnar um aðild CIA sem
alltaf hafa hlotið mesta athygli og verið
viðfangsefni rannsakenda. Ein þingleg
rannsóknarnefnd komst að þeirri niður-
stöðu að fjórða skotinu hafi verið hleypt af
við Dealey Plaza í Dallas. Þetta er byggt á
því að á hljóðupptökum fjölmiðla vegna
forsetaheimsóknarinnar til Dalas heyrast
fjórir skothvellir en Oswald skaut aðeins
þrisvar. Hver átti fjórða skotið? Var CIA
með aðra leyniskyttu við torgið?
En þá er eftir að finna ástæðu þess að
CIA vildi forsetann feigan. Ein kenning er
að CIA-mönnum hafi þótt forsetinn
standa linlega að innrásinni í Grísaflóa,
sem var eina alvöru tilraunin til að koma
Castro frá völdum.
Önnur tilgáta styðst við sögur um að
Kennedy hafi fýrir andlát sitt sagt eitthvað
á þessa lund: „Mig langar að rífa CIA í
þúsund hluta og feykja burt brotunum."
Þetta á að hafa borist CIA-stjórum til
eyrna og þeir séð að forsetinn var stofnun-
inni hættulegur. En af hverju þá að ráða
Oswald til verksins? Það er óleyst gáta. SKV
'nuiu nerur
ef'ó jafnmikið rannsakað i
26 SKÝ 6. tbl. 2013