Ský - 01.12.2013, Síða 54

Jólatíðin nálgast óðum. Verslanir fyllast af hvers kyns varningi tengdum jólunum. Matvöruverslanir hafa í síauknum mæli verið
að flytja inn ýmiss konar framandi matvöru erlendis frá, svo sem krónhjört, elgskjöt, dúfur og þar fram eftir götunum. Slíkt úrval
góðgætis gerir fólki kleift að prófa sig áfram með nýja tegund hátíðarmatar, þó svo margir séu íhaldssamir þegar jólin eru annars
vegar og geti ekki hugsað sér annað en hamborgarhrygginn og hangikjötið.
Eg ákvað að gera tilraun með danska jólaönd, fyllta með eplum og sveskjum. Jólaöndin er hinn hefðbundni jólamatur Dana. Útkoman var
alls ekki af verri endanum, enda er andakjöt að mínu mati með því betra, sannkölluð veisla fyrir bragðlaukana. Fyllta öndin sómir sér svo
sannarlega á jólaborði, borin fram með heimalöguðu rauðkáli og brúnuðum kartöflum. SKV
Uppskrift fyrír u.þ.b. 4:
HRÁEFNI:
• 1 önd
• 4 epli
• 1 poki sveskjur
• 1 búnt ferskt timjan
SÓSA:
• 350 ml (um Vi flaska) rauðvín
• 1 laukur
• Nokkrargreinartimjan
• 1 lárviðarlauf
• Maísenamjöl
• Salt og pipar
AÐFERÐ:
Hitið ofninn í 165°C.
Skolið og þerrið öndina vel.
Skerið fituklípu af öndinni við hálsopið og
bræðið í potti.
Skerið vængina af öndinni og skellið í pottinn
ásamt innvolsinu (í poka inni í öndinni) og gróft
söxuðum lauk, látið steikjast í nokkrar mínútur.
Bætið rauðvíni, timjangreinum, lárviðarlaufi,
salti og pipar út í og látið malla við vægan hita í
dágóðan tíma.
Flysjið eplin, fjarlægið kjarna og skerið í báta.
Blandið eplum, sveskjum, timjan, salti og pipar
saman í skál.
Fyllið öndina með blöndunni og lokið fyrir með
þræði. Kryddið með salti og pipar (gott að
nudda inn í húðina).
Komið öndinni fyrir á ofngrind í miðjum ofni.
Undir grindina er sett ofnskúffa með u.þ.b.
bolla af vatni. Bætið vatni í ef það gufar upp.
Öndin þarf að eldast í 40 mínúturfyrir hvert
kíló. 2/3tímans á hún að liggja með bakið upp,
eftir það er henni snúið við og hún látin liggja á
bakinu.
Leyfið öndinni að standa í 10 mínútur eftir að
hún er tekin út úr ofninum. Á meðan er hægt
að huga að sósunni.
Sósusoðið er síað í pott og andasoðinu í
ofnskúffunni bætt við. Veiðið mestu fituna burt
efykkursýnist svo.
Eldið sósuna upp með maísena og rjóma, saltið
og kryddið ef þarf.
Brúnaðar kartöflur og rauðkál eru ómissandi
meðlæti.
54 SKÝ 6. tbl. 2013