Heilbrigt líf - 01.12.1956, Page 44

3. Að fullgildur ökumaður með meira prófi sé ökumaður hennar.
4. Að bifreiðin vei'ði ekki notuð til annars en sjúkraflutninga.
5. Að sjúkrahúsið annist allan rekstur bifreiðarinnar.
Jafnframt tekið fram, að bifreiðin myndi ekki afhent fyrr en
deildin teldi sig hafa tryggingu fyrir því, að fyrsta og þriðja skil-
yrði væri fullnægt.
Hinn 22. des. svaraði bæjarstjórn bréfinu og tilkynnti, að ákveðið
væri að veita bifreiðinni viðtöku með þeim skilyrðum, sem sett
væru. Jafnframt var þess getið, að gamla slökkvistöðin hefði verið
endurbætt í því skyni að hýsa bifreiðina þar, svo og að Þórður
Þ. Þórðarson hefði tekizt akstur hennar á hendur.
Var síðan á stjórnarfundi ákveðið að afhenda bifreiðina, og fór
afhending fram 5. janúar 1953 með afhendingarbréfi, undirrituðu
af formanni og Hauki Kristjánssyni, sjúkrahússlækni.
Hinn 4. febr. þ. á. (1953) bárust deildinni tilmæli frá R. K. í.
um að gangast fyrir fjársöfnun handa bágstöddu fólki á flóða-
svæðinu á Hollandi, og varð deildin við þeim tilmælum. Söfnuðust
yfir 13.000,00 kr. í peningum, og auk þess voru send föt fyrir um
15 þús. krónur.
Merkjasala fór fram á öskudaginn að venju og önnuðust börn
úr barnaskólanum hana. Seldust merki fyrir 2015 krónur. Fjár-
öflunarnefndin var hin sama og áður, og er Friðjón Runólfsson
formaður hennar. Aflaði hún fjár af dansleikjum, 985,00 kr., eins
og reikningur deildarinnar ber með sér. Er nú mjög erfitt um
þess konar fjáröflun, þar sem ekkert almennt samkomuhús er í
bænum.
Gufubaðstofan hefur verið starfrækt eins og undanfarið. Tala
baðgesta á árinu var 1586, og er það 563 færra en árið áður. Bað-
vörður telur orsökina þá, að bagalegur vatnsskortur er uppi í
gufubaðstofunni, en gestum geðjast ekki að því að þurfa að nota
baðklefa, sem ekki er á sömu hæð.
Félagatala er 106 alm. félagar og 23 ævifélagar.
Skuld félagsins við lok reikningsársins var 1151,69 kr.
A kureyrardeild.
Stjórn deildarinnar var skipuð sömu mönnum og árið áður, en
þeir voru:
Guðm. Karl Pétursson, formaður
Pétur Sigurgeirsson, ritari
Páll Sigurgeirsson, gjaldkeri
Jóhann Þorkelsson
Jakob Frímannsson
Kristján Kristjánsson
Stefán Árnason.
82
Heilbrigt líf