Skinfaxi - 01.02.2019, Qupperneq 4

4 SKINFAXI
Marga óar við félagsstörfum og öllu
sjálfboðaliðastarfi. Að sækja fundi,
sitja fundi, fara yfir reglugerðir,
veita viðurkenningar, standa kannski úti í
vegarkanti í gulu vesti, bæði í sól og súld,
og tryggja öryggi þátttakenda sem skjót-
ast hjá á mishraðskreiðum reiðhjólum á
Unglingalandsmóti UMFÍ.
Fyrir skemmstu hlustaði ég á íþrótta-
konu lýsa því sem hún fær út úr iðkun
sinni. Hún sagði margoft: Ég elska þetta!
Íþróttakonan hreif mig með sér í ástríð-
unni. Það var ekki bara sjálf íþróttin held-
ur allt í kringum hana sem hún lýsti, hvað
hún naut samveru með öðrum á sínum
eigin forsendum og fílaði það í botn. Það
er svo gaman þegar fólk elskar það sem
það gerir og er tilbúið að leggja sig fram
um að koma því í verk sem það ann.
Ég hef lengi verið innan ungmenna-
félagshreyfingarinnar. Satt að segja drakk
ég hana í mig með móðurmjólkinni í
Lundarreykjadal og gerði allt hvað ég gat
fyrir Ungmennafélagið Dagrenningu,
aðildarfélag Ungmennasambands Borgar-
fjarðar (UMSB), sambandsaðila UMFÍ.
Leið mín lá á vegi hreyfingarinnar og
24 ára var ég orðin framkvæmdastjóri
UMSB. Þaðan fór ég inn í varastjórn
UMFÍ og tók síðan sæti í aðalstjórn árið
2013.
Ég met það svo að enginn eigi að sitja
í sama stólnum of lengi því að hætta er
á að fleira rykfalli en langsetnir. Alltaf er
þörf á endurnýjun og framgangi nýrra
hugmynda. Af þeirri ástæðu einni ætla
ég að standa upp úr stólnum í haust.
Ég hef sagt mörgum frá þessari ákvörð-
un minni og mælt með því við marga að
sækjast eftir setu í stjórn UMFÍ. Allavega
að bjóða fram krafta sína til að byrja með.
Alltaf, þegar ég geri það, finn ég hvað
mér finnst raunverulega gaman að vera í
stjórninni. Þar hef ég alltaf fengið stuðn-
ing. Þegar ég hugsa til þess er ótrúlegt að
vinir mínir í ungmennafélagshreyf-
ingunni hafi treyst mér til að taka
þar sæti. Mér fannst ég auð-
vitað algjör byrjandi, blaut
á bak við eyrun og óskrifað
blað í svo merkilegri stöðu.
Stjórnarseta getur krafist
gríðarlegrar vinnu. Það er
ómetanlegt að vera undir
þrítugu og vera treyst til
að vinna að verkefn-
um sem ég hélt
alltaf að mun
eldra og reynd-
ara fólk tæki
að sér. Ef mig
rak í
vörður sökum þekkingarskorts hefur stjórn-
armaður alltaf gefið sig fram og veitt
stuðning í formi þekkingar og framgangi
verka. Hjá UMFÍ er enginn settur í gapa-
stokk fyrir að vita ekki nóg, því að marg-
ir eru reiðubúnir til að hjálpa óreyndum
inn í rótgrónari heim. Það krefst hug-
rekkis og viðheldur endurnýjun ung-
mennafélagshreyfingarinnar.
Nú, þegar komið er að leiðarlokum
hjá mér í stjórn UMFÍ, verður mér æ oftar
hugsað til þess hvað ég elska að taka
þátt í öllum störfum hreyfingarinnar.
Hvort heldur það eru íþróttirnar eða
félagsstörfin. Ungmennafélagsandinn
er svo alltumlykjandi. Þar eru allir
með, allir tilbúnir til að hjálpa
öðrum að vaxa og verða betri
til að gera allt gott starf enn
betra.
Þess vegna elska ég
UMFÍ.
Hrönn Jónsdóttir,
ritari stjórnar UMFÍ
Efnisyfirlit
12 Forvarnastarf fer aldrei í frí.
10 UMFÍ verður öflugra landssam-
band.
42 Telja hreystitíma efla áhuga
barna á íþróttum.
6 Lét drauminn rætast og stofnaði
fimleikafélag.
8 Ævintýri í nýjum Ungmennabúð-
um á Laugarvatni.
14 Danir fræðast um íslenska for-
varnamódelið.
16 Íþróttir styrkja vinatengsl.
18 Jafnir styrkir til stráka og stelpna.
24 Siðferðilegt illgresi grisjað burt.
26 Eiður í lýðháskóla.
28 Alltaf jafnmikið ævintýri að vera
sjálfboðaliði.
30 Unglingalandsmót UMFÍ á Höfn.
32 Hvernig er best að tryggja börn
og iðkendur í íþróttum?
34 Landsmót UMFÍ 50+ Neskaupstað.
36 Ölli hjálpar börnum og ungmenn-
um að stunda íþróttir.
37 Hvött til að taka þátt í félags-
störfum.
38 Æskulýðsvettvangurinn kynnir
nýjung í barnavernd.
41 20.000 tóku þátt í Hreyfivikunni.
Leiðari UMFÍ VEITTI MÉR TÆKIFÆRI
20 Sjálfstæðar stúlkur í París.