Skinfaxi - 01.02.2019, Page 39

SKINFAXI 39
FYRIR HVERJA ER
NÁMSKEIÐIÐ?
Námskeiðið er útbúið sérstaklega fyrir
starfsfólk og sjálfboðaliða sem vinna
með börnum og ungmennum í íþrótta- og
æskulýðsstarfi en það er opið öllum þeim
sem hafa áhuga á því. Þeim mun fleiri sem
taka námskeiðið, því betra.
AF HVERJU
NETNÁMSKEIÐ?
Það er mikilvægt fyrir öll þau sem starfa
með börnum og ungmennum að vera
meðvituð um skyldur sínar og ábyrgð.
Núna er mjög misjafnt, eftir því með
hvaða hætti starfað er með börnum og
ungmennum, hversu mikil áhersla er lögð
á að starfsfólk og sjálfboðaliðar þekki
barnaverndarmál, þekki birtingarmyndir
þess ofbeldis sem börn og ungmenni geta
orðið fyrir, og hvernig bregðast eigi við.
Um leið og ein félagasamtök leggja mikla
áherslu á þekkingu starfsfólks og sjálf-
boðaliða leggja önnur enga áherslu á
hana. Með því að bjóða upp á netnám-
skeið viljum við auðvelda félagasamtök-
um, starfsfólki þeirra og sjálfboðaliðum,
að sækja sér slíka þekkingu.
ER NETNÁMSKEIÐ
BETRA?
Með netnámskeiði er félagasamtökum
og þeim sem starfa innan þeirra
gert auðveldara að sækja sér þekkingu
sem mikilvæg er til þess að stuðla að heil-
brigðum, uppbyggjandi og vönduðum
aðstæðum í félagsstarfi með börnum og
ungmennum. Með því að bjóða upp á
þessa mikilvægu fræðslu með rafrænum
hætti getur hver sem er, hvar sem er á
landinu, hvenær sem er, sótt sér þessa
nauðsynlegu þekkingu. Það hentar eflaust
mörgum vel þó að við hvetjum félögin til
þess að halda um leið áfram að bjóða
upp á hefðbundna fræðslu í þessum
málum.
ER AÐKALLANDI
AÐ BJÓÐA UPP
Á NETNÁMSKEIÐ?
Við erum alltaf að leita leiða til þess
að stuðla að auknu öryggi barna og
ungmenna í íþrótta- og æskulýðsstarfi. Það
er ávallt aðkallandi að bæta aðstæður
barna og ungmenna í félagsstarfi. Með
því að bjóða upp á þessa nýjung í fræðslu
og forvörnum erum við að brjóta í ákveð-
ið blað sem ég veit að mun styrkja félaga-
samtökin, efla starfsfólk þeirra og sjálf-
boðaliða, bæta aðstæður barna og ung-
menna og koma að góðum notum fyrir
samfélagið allt.