Heimili og skóli - 01.03.1973, Page 28

eins mikill akkur fyrir strjálar byggðir og
margir vilja vera láta. Eg vil undirstrika
það, og taka skýrt fram, að mér finnst hug-
sjón þeirra ákaflega góðra gjalda verð og
tek undir hana heils hugar. Við eigum auð-
vitað að reyna að gera þetta frv. þannig úr
garði, að sem allra mestur jöfnuður verði
til náms í landinu, bæði eftir efnum og
ástæðum fólks og eftir búsetu. Hitt er svo
annað mál, að við þurfum að gaumgæfa
það, hvort við erum í raun og veru að
vinna að þessu marki, sem við erum að
setja. Þegar það er fyrst og fremst talið, að
forsenda fyrir þessu ákvæði um lengingu
skólaskyldunnar og lengingu árlegs skóla-
árs, sé jafnréttisatriði fyrir strjálbýlið,
finnst mér, að við eigum að staldra við og
spyrja: Hvernig gætum við náð þessu marki
á annan hátt, ef við vildum ná því að jafna
aðstöðu þeirra, sem í strjálbýlinu búa?
ÓLAFUR G. EINARSSON,
alþingismaður:
Mér sýnist sú stefna vera rétt, að
miða fræðsluumdœmin við kjör-
dæmin.
Ég hef látið í ljós þá skoðun áður, að í
sambandi við skólamál, eins og reyndar
margt fleira, mætti mjög einfalda samskipti
ríkisins og sveitarfélaganna. Og ég læt í
ljós vonbrigði yfir því, að það skuli ekki
hafa verið höggvið þarna betur á hnútana
en mér sýnist gert með þessu frv. Enn þá
eru samskipti ríkisins og sveitarfélaganna
varðandi skólamál allt of flókin, og þar má
sérstaklega nefna hin fjárhagslegu sam-
skipti. Þar hefur verið um miklar flækjur
20 — HEIMILI OG SKÓLI
að ræða á undanförnum árum, og ég hefði
talið, að nú hefði gefizt gott tækifæri til að
greiða úr, en það finnst mér ekki gert, og
bendi ég t. d. á 80. gr.
Varðandi skiptingu landsins í fræðslu-
umdæmi, þá sýnist mér sú stefna vera rétt
að miða fræðsluumdæmin við kjördæmin.
Umdæmaskipting landsins er þegar allt of
flókin, og þess vegna styð ég það, að farið
sé eftir þessari skiptingu. Hins vegar læt ég
í ljós ýmsar efasemdir um, að þetta dugi.
Þar sem ég þekki bezt til, í Reykjaneskjör-
dæmi, efast ég um, að það gagni að hafa
eina fræðsluskrifstofu fyrir allt kjördæm-
ið. Eg teldi eðlilegra að hafa þær þrjár.
Það eru tvær starfandi nú þegar, í Kópa-
vogi og í Hafnarfirði. Eg held, að það sé
erfitt að leggja þessar skrifstofur niður, og
ef þær ættu að starfa áfram, væri eðlilegt,
að sú þriðja kæmi á Suðurnesjum, t. d. í
Keflavík.
Það er gert ráð fyrir því í þessu frv., að
fræðslustjóri sé skipaður af ráðherra. Ég
er ekki sammála þessu, tel heppilegra, að
fræðslustjórinn væri ráðinn af landshluta-
samtökunum. Mér er ljóst, að ýmislegt mæl-
ir með þeirri aðferð, sem gert er ráð fyrir
í frv., en ef eitthvað býr á bak við það, að
þarna eigi raunverulega að dreifa valdinu,
sýnist mér hitt heppilegra. Landshlutasam-
tökin eiga að reka fræðsluskrifstofurnar,
og mér sýnist það rökrétt þess vegna, að
fræðslustjórinn sé ráðinn af heimamönnum.
Eg held sem sagt, að þama hafi gefizt betra
tækifæri en notað er til að veita sveitarfélög-
unum meira vald en þau nú hafa. Um þá
stefnu virðast allir vera sammála, en það
verður aftur minna úr framkvæmdum og
tækifærin em látin ganga sér úr greipum.