Heimili og skóli - 01.03.1973, Qupperneq 40

Námsskrá og aldur barna
„Hvað segir námsskráin um þetta atriði
og hvað er námsskrá?“ spyrja oft foreldrar.
Námsskrá má skilgreina á ýmsa vegu, og
fer það eftir þeim skilningi, sem menn
leggja í tilgang hennar, efni og eðli. Flestir
líta þó á námsskrána sem eins konar náms-
tilhögun, er skólinn skipuleggur og ber á-
byrgð á.
Gildandi námsskrá fyrir skyldunámið
leit fyrst dagsins ljós á árinu 1960 og gekk
að fullu í gildi í upphafi skólaársins 1961
til 1962.
I formálsorðum námsskrárinnar segir:
„Námsskráin er meðalvegur. Gera verður
ráð fyrir frávikum, bæði viðbót við náms-
efni fyrir duglegustu nemendur og styttingu
námsefnis fyrir þá nemendur, sem seinfær-
astix»eru í námi.“ — Og síðar í sömu máls-
grein stendur: — „Auk þess er mikilvægt,
að kennarar skipuleggi nauðsynleg frávik
námsefnis í samráði við hlutaðeigandi
skólastjóra og námsstjóra, svo að eftir föng-
um sé tryggt, að sem flestir nemendur fái
verkefni við sitt hæfi.“
Eins og berlega kemur í ljós í formáls-
orðunum, gera höfundar námsskrárinnar
beinlínis ráð fyrir því, að hún sé í ýmsum
atriðum ófullnægjandi, enda í fyllsta sam-
ræmi við ríkjandi skoðanir manna á eðli og
tilgangi námsskrár. Hún er fyrst og fremst
til leiðbeiningar og á heldur að örva kenn-
ara til starfa en letja. Námsskrá má aldrei
verða kennurum fjötur um fót í starfi. Marg-
ir halda því og fram, að þá fyrst verði
námsskrá raunhæf, er hún skírskotar og
nær beint til reynslu og þroska barnsins.
Því er vafasamt, hvort rétt sé að tala um
námsskrá 7 ára barna, 8 ára barna o. s. frv.
Allir vita, sem fengizt hafa við uppeldi
og kennslu barna, hve andlegur þroski
þeirra er misjafn, þó að um sama lífaldur
sé að ræða. Bæði sálfræðingar og aðrir
kunnáttumenn hafa undirstrikað þennan
einstaklingsmun það rækilega, að mörgum
kennaranum hrýs hugur við og telja jafnvel
Gengið frá munum.
32 — HEIMILI OG SKÓLI