Læknaneminn - 01.12.1976, Síða 17

b. Berklar
STUÐLARIT VIII
KIKHOSTI
Niðurstaða
Síðustu börnin létust úr berklum á árunum 1956
—’60; það voru 3 börn. Um 15 ára skeið eru engin
dauðstöll skráð í jsessum aldursflokkum hérlendis.
Berklar eru nú ekki barnasjúkdómur lengur, heldur
fyrst og fremst sjúkdómur í eldri árgöngum. Ekki er
hægt að minnast á berkla án þess að geta greinar
Sigurðar Sigurðssonar fyrrv. landlæknis,11 þar sem
hann gerir heildarúttekt á sögu baráttunnar gegn
berklum, og árangri þeirra aðgerða.
c. Injluenza
Niðurstaða
Ljóst er að dánartalan fer lækkandi vegna þessa
sjúkdóms. Þó er þessi dánarorsök ábyrg fyrir einu
dauðsfallj 1971-’75. Lækkunin stafar að okkar mati
fyrst og fremst af bættum heilbrigðisháttum. Benda
má á að á hverju ári gengur hér innfluenzufaraldur.
Teljum við að bólusetja beri öll veil börn og koma
þannig í veg fyrir dauðsföll vegna influenzu.7
d. Kikhósti
Niðurstaða
Hér er enn eitt dæmi um sjúkdóm, sem ekki leng-
ur veldur dauðsföllum og ber það að þakka víðtæk-
um bólusetningum gegn sjúkdómi þessum. Tíðni
sjúkdómsins á árunum 1941-’45 sýnir vel hvilíkt
vandamál sjúkdómurinn var. Ekki fengust upplýs-
ingar um það hvenær ónæmisaðgerðir hófust við
þessum sjúkdómi.
s»
e. Lungnabólga
Niðurstaða
Stuðlarit nr. IX leiðir í ljós það sama og stuðla-
rit nr. V, enda er lungnabólga 40—50% af heildar-
dánartölu vegna sýkingasjúkdóma 1941-’75. Aug-
ljóst er að um fækkun milli tímabila er að ræða og
ekki séð fyrir endann á henni. Línurit VII er loga-
ritmni af stuðlariti IX, og sýnir þetta ennþá betur.
Þessar niðurstöður benda til þess að lungna-
bólga sé enn á undanhaldi, sem dánarorsök 0-4 ára
barna. Teljum við því, að lungnabólga sem dánar-
orsök 0-4 ára barna minnki enn um sinn.
Athygli vekur sú staðreynd, að milli tímahila
1941-’45 annars vegar og 1946-’50 hins vegar fellur
dánartalan um rúmlega helming, en einmitt á tíma-
bilinu 1946-’50 kemst Penicillin í almenna notkun,
þótt nolkun þess í smáum stíl hafi hafist fyrir 1945.
ÍM5 VíSo Si$5 Si-ko í/-iS Hf tt i/-/s
læknaneminn
15