Skinfaxi - 01.04.2023, Blaðsíða 16

16 S K I N FA X I
Sambandsþing UMFÍ: Hótel Geysi
Tímamót á sambandsþingi UMFÍ
53. Sambandsþings UMFÍ sem fram fór á Hótel Geysi í október verður líklega minnst fyrir tvennt ef ekki þrennt:
Í fyrsta lagi var það mjög vel sótt og svo skemmtilegt að það mun lifa í minningunni. Í öðru lagi voru á þinginu
samþykktar gríðarlega merkilegar tillögur um breytingar á lögum um lottóútgreiðslur og stofnun starfsstöðva
sem dreifast munu víða um landið. Í þriðja lagi er helsta breytingin sú að tillögurnar um starfsstöðvarnar og
lottógreiðslur til sambandsaðila voru unnar af nefndum ÍSÍ og UMFÍ og voru þær samstíga í vinnu sinni.
S
ambandsþing UMFÍ árið 2023 var líklega eitt fjölmennasta
þing í sögu ungmennafélagshreyfingarinnar. Setningu þess
sóttu 180 þingfulltrúar og gestir. Sambandsaðilar UMFÍ áttu
rétt á 127 þingfulltrúum.
Á meðal gesta þingsins voru Ásmundur Einar Daðason,
mennta- og barnamálaráðherra, Stefán Konráðsson, framkvæmda-
stjóri Íslenskrar getspár, Andri Stefánsson framkvæmdastjóri ÍSÍ og þó
nokkrir frá sérsamböndum. Sérstaklega var skemmtilegt að sjá þar fyrr-
verandi formenn og stjórnarfólk ásamt Sæmundi Runólfssyni, fyrrver-
andi framkvæmdastjóra UMFÍ.
Búist var við að þingið gæti orðið eldheitt, enda stór mál undir. Það
helsta var sameiginleg tillaga vinnuhópa á vegum ÍSÍ og UMFÍ um skipt-
ingu afraksturs lottós á landsvísu. Tímamótin fólust ekki aðeins í tillög-
unni sjálfri heldur í aðdraganda hennar og samvinnunni sem tillagan
byggði á. Tillagan var samþykkt á þingi ÍSÍ í vor og var hún í eðli sínu
sú sama og lögð er fyrir þing UMFÍ. Tillagan fól í sér að komið verði á
fót átta svæðastöðvum með sextán stöðugildum sem munu þjónusta
íþróttahéruðin með samræmdum hætti. Vinnuhópar UMFÍ og ÍSÍ sem
unnu að tillögunni horfðu til þess að sterkari íþróttahéruð og svæða-
stöðvar um allt land myndu auka skilvirkni íþróttahreyfingarinnar.
Tillögurnar tvær eru nátengdar að því leyti að af lottógreiðslum til
UMFÍ munu í kjölfarið fara 15% til reksturs svæðaskrifstofanna og 85%
til íþróttahéraða eftir íbúafjölda 18 ára og yngri. Ásmundur Einar Daða-
son, mennta- og barnamálaráðherra, sagði búið að tryggja einn starfs-
mann á hvert starfssvæði sem tillagan kveður á um og fjármagn til að
starfsfólk þar gæti sinnt vinnu sinni.
Jóhanni Steinari Ingimundarsyni, formanni UMFÍ, var bæði í ávarpi
sínu og kveðjuorðum við slit sambandsþingsins tíðrætt um breytingar