Skinfaxi - 01.04.2023, Blaðsíða 12

12 S K I N FA X I
Við stöndum saman.
Við höldum ótrauð áfram.
Við erum Grindavík.
Auk þess spilar vinnan mjög inn í þetta púslu-
spil en mjög margir eru í þannig vinnu að það
er erfitt að komast til að skutla.“
Fjölskyldan flutti fljótlega frá Þingvöllum og
til elsta sonarins, sem býr í lítilli íbúð með einu
herbergi í Garðabæ. Systir hans býr með
honum þar.
„Það er þröng á þingi en við höfum sama-
stað og erum þakklát fyrir það. Það munar að
vera komin í bæinn og vera nær öllu. Við látum
þetta ganga því við vitum að þetta er tíma-
bundið. Svona er þetta hjá okkur öllum Grind-
víkingum. Við erum öll í sama pakkanum,
reynum að gera gott úr ástandinu og hjálp-
umst að. Allir eru að gera sitt besta,“ segir
Klara.
Rétt eftir viðtalið fékk Klara skilaboð frá hjón-
um sem hún þekkti ekkert til. Þeim var bent á
hana og þau voru að bjóða fjölskyldunni íbúð
til leigu. Klara hafði auglýst á Facebook eftir
húsnæði og fjölmargir deilt auglýsingunni.
Fjölskyldan verður því komin í húsnæði fyrir
jólin þökk sé þessum yndislegu hjónum.
Aðstaða í Tollstjórahúsinu
Rauði krossinn hefur verið með aðstöðu fyrir
brottflutta Grindvíkinga á þriðju hæðinni í Toll-
stjórahúsinu í Reykjavík. Þar er orðin eins konar
félagsmiðstöð og fólk getur sest þar niður og
rætt málin. Sömuleiðis er þar stuðningsteymi,
prestur, sálfræðingur og fleiri sem ræða þarf
við. Stjórn Ungmennafélags Grindavíkur hef-
ur sömuleiðis fengið aðstöðu þar til funda.
Klara segir starfið og utanumhaldið í Tollhús-
inu mjög gott og frábært að boðið sé til
dæmis upp á fyrirlestra sálfræðinga fyrir for-
eldra um hvernig eigi að ræða við börnin
þegar áföll sem þessi ríða yfir.
Dagarnir eru misjafnir að sögn Klöru, sem
tekur sem dæmi að einu sinni í viku þurfi hún
að ná í son sinn klukkan eitt í skóla, keyra hann
á æfingu í Breiðholt til að vera mættur hálf þrjú,
ná í hann klukkan fjögur og skutla honum yfir
til ÍR.
„Við erum vön svo góðu heima í Grindavík.
Þar eru gönguljós. Mér finnst frábært eins og
einn sagði um daginn: Sjitt, hvað ég sakna
þess að vera pirraður þegar einhver ýtir á
gönguljósin heima.“
Hittast á leikjum
Klara segir mikilvægt að fólk hafi aðstöðu og
geti hist til að ræða málin. Það geri Grindvík-
ingar á æfingum og leikjum Ungmennafélags
Grindavíkur.
Klara tekur fram að auðvitað hafi stefnt í að
heimaleikir myndu raskast. Öll plön hafi hins
vegar staðist, því íþróttafélög hafi opnað hús