Skinfaxi - 01.04.2023, Blaðsíða 23

S K I N FA X I 23
Þegar þú lítur til baka yfir þann tíma
frá því að þú fórst að fylgjast með
starfi UMFÍ, hvað er eftirminnilegast
eða stendur helst upp úr?
Guðmundur: Eftirminnilegust fyrir mig eru
Landsmótin og að fá að vera þátttakandi í
þeim. Síðan var það að taka þátt í umræðunni
um framtíð þeirra og UMFÍ. Mér hefur fundist
allt of mikil orka og fjármunir hafa farið í hús-
næðismál hreyfingarinnar í gegnum árin og
vona að þau sigli nú lygnari og útgjaldaminni
sjó.
Haukur: Þegar ég bauð mig fram í stjórn
UMFÍ árið 2011 var það í raun algjör tilviljun.
Ég hafði fremur lítið fylgst með stjórn UMFÍ
og störfum þar, þó sótt sambandsþing og
sambandsráðsfundi sem formaður Ungmenna-
félags Akureyrar. Einnig lítils háttar þegar við
hjá Ungmennafélagi Akureyrar og Ungmenna-
sambandi Eyjafjarðar sóttum um að halda
landsmót á Akureyri 2009. Ég var síðan feng-
inn til að sitja í landsmótsnefnd. Þá fyrst átti
ég í auknum og talsverðum samskiptum við
forystu samtakanna. Þegar ég tók sæti í stjórn
UMFÍ varð ég strax varaformaður og var það
í fjögur ár. Það fór talsverður tími í að setja sig
inn í mörg mál en fremur erfið staða var þá í
hreyfingunni almennt. Ég tók svo við sem for-
maður eftir það og gegndi því embætti næstu
sex ár. Mér finnst þau ár eftirminnilegust þar
sem ég var að vinna með frábæru fólki í stjórn
og ekki síður frábæru starfsfólki þjónustumið-
stöðvarinnar. Einnig er mjög eftirminnilegt
að hafa kynnst mörgu fólki um allt land, bæði
innan hreyfingarinnar og í sveitarstjórnum.
Þessi ár voru í raun hvert öðru betra. Mér
fannst ungmennafélagshreyfingin stöðugt
vera að eflast og ná betra og betra sambandi
við sambandsaðila sína og einnig mörg sér-
sambönd. Samstarf okkar við aðra jókst og
traust til okkar var einnig stöðugt vaxandi.
Það var góð tilfinning.
Hvernig finnst þér UMFÍ standa í dag?
Guðmundur: Mér finnst hreyfingin standa
vel í dag. Það er verið að huga að málefnum
alls landsins. Unglingalandsmótin standa upp
úr, það þarf aðeins að gæta þess að þau verði
ekki of viðamikil fyrir framkvæmdaaðilana
(eins og aðallandsmótið varð að lokum).
Þeir Guðmundur og Haukur voru beðnir að svara nokkrum
spurningum um hvað væri þeim eftirminnilegt úr starfi sínu
innan hreyfingarinnar og hvernig þeir sæju framtíðina fyrir sér.
Hvað stendur upp úr og hver er staðan?
„Til framtíðar þarf að
leggja áherslu á að vinna
fyrir UMFÍ á landsvísu og
styrkja sjálfboðaliðstarfið
með öllum ráðum.“
Guðmundur Kr.
„Bætt lýðheilsa almennings
mun lækka kostnað í heil-
brigðiskerfinu og um leið auka
lífsgæði hvers einstaklings.
Það þurfum við að gera í
samstarfi við sveitarfélögin
og ríkisvaldið.“
Haukur
Frá setning Landsmóts UMFÍ á Akureyri 2009.
Haukur: Ég tel að UMFÍ standi vel í dag, hef-
ur trúlega aldrei verið í betri stöðu. Þá á ég
einkum við tengsl við sambandsaðilana.
Einnig við mörg sérsambönd og er sífellt að
auka tengsl sín víða í samfélaginu. Hreyfingin
hefur orðið mikið vægi víða og fer vaxandi.
Hvernig sérðu UMFÍ fyrir þér í náinni
framtíð?
Guðmundur: Til framtíðar þarf að leggja
áherslu á að vinna fyrir UMFÍ á landsvísu og
styrkja sjálfboðaliðastarfið með öllum ráðum.
Forystufólkið þarf að mæta á fundi og atburði
hjá stórum og smáum félögum um allt land
og sýna þannig styrk sinn og UMFÍ.
Haukur: Ég sé fyrir mér að UMFÍ verður
öflugur vettvangur íþróttahéraða þar sem
hægt er að samræma marga þætti sem þau
vinna ásamt því að skerpa hlutverkið. Þetta
gefur góða möguleika á að vinna að málefnum
íþróttahéraðanna og þar með grasrótarinnar
innan ungmennafélagshreyfingarinnar. Þá
munu hinar nýju starfsstöðvar sem stefnt er að
verða mikill stuðningur við landsbyggðirnar,
en þar hefur UMFÍ lengi verið bakhjarl og
sterkur stuðningsaðili. Ég veit að „ungmenna-
félagsandinn” mun víða vera hvatning og
stuðningur þess sjálfboðaliðastarfs sem ung-
menna- og íþróttafélög byggjast og þrífast á.
Ég tel nauðsynlegt að UMFÍ leiði eflingu og
uppbyggingu á lýðheilsu Íslendinga sem við
sjáum að er orðin samfélagi okkar alger grunn-
forsenda í dag. Heilbrigðiskerfið er sífellt að
verða dýrara í rekstri., en bætt lýðheilsa
almennings mun lækka kostnað í heilbrigðis-
kerfinu og um leið auka lífsgæði hvers ein-
staklings. Það þurfum við að gera í samstarfi
við sveitarfélögin og ríkisvaldið. Þetta held
ég að sé eitt allra mikilvægasta verkefnið í
dag og UMFÍ á að vera í forystu þar. Við höf-
um alla möguleika til þess, eigum fjölda fólks
sem er fagfólk og hefur vilja og þekkingu til
að takast á við verkefnið. Góð forysta og gott
starfsfólk sem við höfum nú og í framtíðinni
er einnig afar mikilvæg. Framtíð hreyfingar
okkar er björt.