Skinfaxi - 01.04.2023, Blaðsíða 27

S K I N FA X I 27
Hver eru mikilvægustu við-
fangsefni UMSK næstu
misseri?
Á þessu ári hafa orðið þau tíma-
mót að UMFÍ, ÍSÍ og ríkisvaldið
hafa náð samkomulagi um stofnun
svæðisskrifstofa með það að mark-
miði að efla íþróttastarf. Samning-
urinn við ríkisvaldið er til tveggja
ára eins og flestum er kunnugt.
Ég hefði sjálfur kosið að hann yrði
til a.m.k. þriggja ára. Mikilvægt
er að verkefni svæðisskrifstof-
anna séu vel skilgreind og nægi-
legt svigrúm verði til þess að skrif-
stofurnar geti eflt starfið á svæð-
um sínum. Við þurfum að hafa í
huga að þarfirnar eru ólíkar og
mismunandi milli íþróttahéraða
og eigum að forðast að reyna að
steypa alla í sama mót.
Við hjá UMSK ætlum að leggja
okkur fram við að nýta þetta tæki-
færi til að þjónusta aðildarfélög
okkar enn betur en við gerum í
dag þannig að þau finni áþreifan-
lega þann virðisauka sem skrif-
stofurnar geta og eiga að vera
fyrir íþróttastarf á félagssvæðinu.
Vissulega eru félögin að gefa eftir
ákveðinn hluta af lottótekjum til
reksturs skrifstofanna en einnig
kemur myndarlegt framlag frá
ríkisvaldinu sem jafnar þá fjármuni
sem íþróttahéruðin leggja fram.
Ég trúi því að þetta verði til mikilla
hagsbóta fyrir íþróttahreyfinguna
og við hjá UMSK munum leggja
okkur fram til þess að það verði
að veruleika.
Hver væri draumastaðan í
fjármálum íþróttahreyfing-
arinnar (innan smá raun-
sæismarka)?
Það er erfitt að gefa eitthvert eitt
svar við þessu. Öll íþróttafélög
vildu gjarnan hafa úr meiri fjár-
munum að spila en þau hafa í dag
til að efla starfið. Það er þó mikil-
vægt að þarna sé gerður greinar-
munur á barna- og unglingastarfi
annars vegar og rekstri meistara-
flokka hins vegar. Einnig þarf að
hafa í huga þann mikla aðstöðu-
mun sem er á milli einstakra
íþróttagreina þegar kemur að því
að sækja fé til styrktaraðila.
Barna- og unglingastarf er að
mestu leyti fjármagnað með
æfingagjöldum. Það er áhyggju-
efni hvað æfingagjöld hafa hækk-
að mikið. Vissulega er saman-
burður æfingagjalda erfiður milli
félaga. Fjöldi æfinga og lengd
þeirra er mismunandi milli félaga.
Í sumum tilfellum eru búningar
innifaldir, ferðalög á mót innifalin
o.s.frv.
Ég á þá ósk að allir foreldrar
geti leyft börnum sínum að stunda
fleiri en eina íþrótt án þess að
hafa áhyggjur af þeim kostnaði
sem af því hlýst. Eins og allir vita
er forvarnargildi íþróttaiðkunar
barna og unglinga margsannað
og því eru þeir fjármunir sem ríki
og sveitarfélög leggja til íþrótta-
iðkunar að spara þeim háar fjár-
hæðir í framtíðinni. Ráðamenn
mættu gjarna hafa þetta í huga
þegar teknar eru ákvarðanir um
fjárveitingar til íþróttastarfs.
Hvernig sérðu UMFÍ þróast
á næstu tíu árum?
Ég vona að UMFÍ beri gæfu til að
þróast með samfélaginu og
aðlagast kröfum þess. Við búum
í síbreytilegu umhverfi og þau
sem stýra samtökunum verða að
vera vakandi fyrir því. Við verðum
að hlusta á grasrótina því þar er
gróskan og þar gerast breyting-
arnar.
Á síðustu árum höfum við séð
vitundarvakningu í heilsueflingu
eldri borgara og þar hefur íþrótta-
hreyfingin lagt sitt að mörkum.
Mér finnst mikilvægt að UMFÍ
miðli þekkingu og reynslu frá
einu íþróttahéraði til annars og
styðji smærri aðila til að sækja sér
þekkingu sem mögulega er að
finna hjá hinum stærri. Samstarf
og samvinna er lykilatriði.
Ég vildi gjarna sjá meira sam-
starf milli UMFÍ og sveitarfélaga.
Sveitarfélög gera sér flest grein
fyrir því að öflugt íþróttastarf er
krafa íbúanna og lykilatriði til að
draga að nýja íbúa. UMFÍ getur
bæði með beinu samtali við sveit-
arfélög og gegnum samvinnu
með íþróttahéruðum og félögum
eflt íþróttastarf sveitarfélaganna
og þannig tekið þátt í að skapa
betra samfélag okkur öllum til
hagsbóta
Nafnarnir. Guðmundur Gunnar Sigurbergsson les fyrir afastrákinn og
nafna sinn Gunnar.
Hver eru stærstu málin sem
þú komst að innan USVS?
Stærstu málin voru mótahald, og
þar ber hæst í minni tíð hjá Ung-
mennasambandi Vestur-Skafta-
fellssýslu Meistaramót Íslands
11–14 ára 2010 og síðan Lands-
mót UMFÍ 50+ sem haldið var í
Vík 2013.
Hvernig myndir þú vilja sjá
mótahald UMFÍ þróast á
næstu árum?
Ég myndi vilja sjá Unglingalands-
mótin og 50+ mótin halda sínu
Ragnheiður Högnadóttir
Fædd í Vík í Mýrdal 1963 en býr á Hellu á Rangárvöllum.
striki og vaxa og dafna. Einnig
vildi ég sjá Íþróttaveislu UMFÍ
festa sig í sessi meðal allra lands-
manna með ýmsum viðburðum
allt árið um kring, með þátttöku
sem aðaláhersluatriði.
Hvernig sérð þú hreyfingu-
na eftir tíu ár?
Kröftuga fjöldahreyfingu sem
allir landsmenn vita hvað stendur
fyrir og það er að sjálfsögðu:
Allir með. Það geta og mega allir
vera með í öllum viðburðum hjá
UMFÍ.
Ragnheiður með ömmustrákunum Ármanni Páli Fjalarssyni og Birgi Páli
Guðnasyni.
Guðmundur G. Sigurbergsson
Fæddur í Reykjavík 1964 en hefur búið í Kópavogi síðustu 50 ár