Skinfaxi - 01.04.2023, Blaðsíða 20

20 S K I N FA X I
Sambandsþing UMFÍ: Hótel Geysi
„Mér hefur sjaldan liðið betur innan hreyfingarinnar en í dag,“ sagði
Björn Bjarndal Jónsson, fyrrverandi formaður UMFÍ. Hann steig í pontu
við setningu Sambandsþings UMFÍ og rifjaði upp eldmóðinn sem
íþróttafrömuðurinn Sigurður Greipsson smitaði stráka af í Íþróttaskól-
anum sem hann starfrækti við Geysi í Haukadal í 42 ár eða frá 1927 til
1970.
Eini íþróttaskóli landsins
Björn, sem ólst upp í sveitinni, benti á að skóli Sigurðar hefði verið
eini íþróttaskóli landsins og á hverju ári hefðu tuttugu strákar farið
þaðan fullir af eldmóði og ungmennafélagshugsjón.
Landsmót í Haukadal
Björn rifjaði líka upp lýsingu föður síns af því þegar Landsmót UMFÍ
var haldið í Haukadal árið 1940. Í bókinni Vormenn Íslands segir að
til hafi staðið að halda mótið á Akureyri. Stórveldið Ungmennafélag
Akureyrar var hins vegar dautt og hafði síðasti fundur þess verið hald-
inn árið 1939. Sigurður Greipsson var um þetta leyti formaður Héraðs-
sambandsins Skarphéðins (HSK). Hann dó ekki ráðalaus, bauð ættar-
óðalið sitt í Haukadal fram sem mótsstað og hafði samband við marga
nemendur sína til að virkja þá í þágu landsmótsins.
„Setningin fór fram hér úti á velli. Keppendur komu nokkrum dög-
um fyrr til þess að undirbúa mótið. Sigurður hélt ræðu eins og alltaf
á 17. júní. Þær voru aldrei undir klukkustund,“ rifjaði Björn upp eftir
föður sínum.
Kostir hreyfingar
Björn benti á að Sigurður Greipsson hefði ætíð verið að velta fyrir sér
kostum hreyfingar og hvernig hægt væri að ná til þeirra sem stunduðu
ekki skipulagða hreyfingu, meira að segja ungs fólks sem vildi ekki
vera í íþróttum. Fyrir honum skyldu allir fá að taka þátt, rétt eins og
stefna UMFÍ er nú.
„Ungmennafélagshreyfingin má ekki gleyma þeim sem ekki taka
þátt í íþróttum. Það er ekki fortíð heldur framtíðin líka,“ sagði hann.
Í miklum blóma
Björn mætti til þingsins með Önnu R. Möller, heiðursfélaga UMFÍ, og
Sæmundi Runólfssyni, fyrrverandi framkvæmdastjóra UMFÍ, og sat
til borðs með forystu HSK. „Það væri gaman ef hér væri Sigurður
Greipsson til að flytja eina svona eldmóðsræðu. En mér finnst UMFÍ
vera í einhverjum mesta blóma sem ég hef séð lengi,“ sagði hann.
UMFÍ í einhverjum
mesta blóma sem
ég hef séð lengi
Björn B. Jónsson, fyrrverandi formaður UMFÍ,
sagði að ná þyrfti til þeirra sem ekki eru í íþróttum
og rifjaði upp eldmóðinn sem íþróttafrömuðurinn
Sigurður Greipsson smitaði stráka af í Íþróttaskólan-
um sem hann starfrækti við Geysi í Haukadal.
Björn B. Jónsson, fyrrverandi formaður og heiðursfélagi UMFÍ. Við hlið
hans situr Anna R. Möller heiðursfélagi UMFÍ.
P 187
C15 M100 Y100 K4
R172 G37 B43