Skinfaxi - 01.04.2023, Blaðsíða 18

18 S K I N FA X I
Lýðheilsa í lykilhlutverki
„Ungmennafélög geta gegnt lykilhlutverki í lýðheilsumálum, stuðlað
að hollri hreyfingu og útivist, æfingum og keppni. En lýðheilsa snýst
ekki um útlitsdýrkun eða hvatningu til að vera alltaf í ræktinni eða uppi
á fjöllum. Aðgerðir á sviði lýðheilsu eiga að snúast um jákvæða hvata
og heilbrigt sjálfstraust án alls metings og monts,“ segir Guðni Th.
Jóhannesson, forseti Íslands, sem flutti ávarp á sambandsþingi UMFÍ.
Guðni var staddur í Noregi og sendi því upptöku með ávarpi sínu
sem var varpað upp á skjái.
Tvö ný í stjórn UMFÍ
Líf og fjör var í kringum framboð til setu í stjórn UMFÍ í aðdrag-
anda sambandsþingsins. Jóhann Steinar Ingimundarson var
einn í framboði til formanns og því sjálfkjörinn. Í stjórn sitja
ellefu einstaklingar ásamt formanni. Þeir Gissur Jónsson og
Lárus B. Lárusson gáfu ekki kost á sér áfram og sóttust fjórir nýir
eftir sætum í stjórninni. Þegar upp var staðið var aðalstjórn öll
endurkjörin og í varastjórn náðu kjöri þau Ásgeir Sveinsson,
framkvæmdastjóri Héraðssambandsins Hrafna-Flóka, og Rakel
Másdóttir, sem situr í stjórn Ungmennasambands Kjalarnes-
þings. Stjórn UMFÍ 2023–2025 er því skipuð eftirtöldum:
Aðalstjórn: Jóhann Steinar Ingimundarson, formaður,
Gunnar Þór Gestsson, varaformaður, Guðmundur Sigurbergs-
son, gjaldkeri, Sigurður Óskar Jónsson, ritari, Ragnheiður
Högnadóttir, meðstjórnandi, Gunnar Gunnarsson, meðstjórn-
andi og Málfríður Sigurhansdóttir, meðstjórnandi.
Varastjórn: Ásgeir Sveinsson, Guðmunda Ólafsdóttir,
Hallbera Eiríksdóttir og Rakel Másdóttir
Fjórir sæmdir
gullmerki UMFÍ
Þeim Hjörleifi Kr. Hjörleifssyni, Garðari Svanssyni, Gissuri Jónssyni og
Lárusi B. Lárussyni, voru veitt gullmerki á sambandsþingi UMFÍ.
Hjörleifur er formaður Héraðssambands Snæfellsness- og Hnappa-
dalssýslu (HSH) og Garðar er í stjórn sambandsins auk þess að sitja í
stjórn ÍSÍ. Þeir hafa um árabil verið ötulir í starfi hjá HSH og voru innstu
koppar í búri við skipulagningu Landsmóts UMFÍ 50+ sem fram fór í
Stykkishólmi í sumar. Þeir Gissur og Lárus hafa setið í varastjórn UMFÍ
um nokkurra ára skeið. Gissur, sem frá sambandssvæði Ungmenna-
sambandsins Úlfljóts, hefur starfað innan Héraðssambandsins Skarp-
héðins og Lárus innan Ungmennasambands Kjalarnesþings.
Á sambandsþinginu tók forsvarsfólk þriggja sambandsaðila við Hvatn-
ingarverðlaunum UMFÍ fyrir jafn mörg verkefni.
Ungmennasamband Skagafjarðar (UMSS) hlaut verðlaunin vegna
sjálfboðaliða Tindastóls, sem vöktu heilmikla athygli á leikjum körfu-
knattleiksliðs meistaraflokks félagsins sem átti hvern stórleikinn á fætur
öðrum undir stjórn nýs þjálfara. Sjálfboðaliðar félagsins voru mjög sýni-
legir og bjuggu til skemmtilega umgjörð fyrir stuðningsfólk félagsins.
Knattspyrnufélagið Þróttur í Reykjavík hlaut verðlaunin fyrir fjölbreytt
framboð íþróttagreina, sem nær til breiðs hóps iðkenda á öllum aldri
og með ýmiss konar bakgrunn. Félagið er meðal annars það fyrsta
til að bjóða upp á æfingar í göngufótbolta fyrir þau sem hætt eru
hefðbundnum fótbolta og þau sem eiga erfitt með hlaup.
Að lokum hlutu Haukar í Hafnarfirði Hvatningarverðlaunin fyrir verk-
efni sem styður við unga iðkendur í körfubolta í hópi Special Olympics.
Verkefnið byrjaði afar smátt og fámennt fyrir iðkendur með sérstakar
þarfir hjá Haukum. Það hefur sprungið út síðan þá og verið til fyrir-
myndar.
Thelma, Hrafnkell og Ingvar með viðurkenningarnar.
Sambandsþing UMFÍ: Hótel Geysi
Frá vinstri: Garðar Svansson, Lárus B. Lárusson, Hjörleifur Kr. Hjörleifs-
son og Gissur Jónsson.
Sjálfboðaliðar, hugmyndaauðgi og Special Olympics
Thelma Knútsdóttir tók við viðurkenningunni fyrir hönd UMSS,
Ingvar Sverrisson Íþróttabandalagi Reykjavíkur fyrir hönd Þróttar og
Hrafnkell Marinósson Íþróttabandalagi Hafnarfjarðar fyrir hönd Hauka.